Page Text
________________
“સંતશિષ્યની જીવનસરિતા
કોત્રમાં રહેવાની તેની ભાવના થઈ. એ વિચાર આના પરમ અનુરાગી વૈદરાજશ્રી માણેકલાલભાઈએ જાણ્યો એટલે પૂ. મહારાજશ્રીને અનુકૂળ આવે એવા ક્ષેત્રને પ્રબંધ કરવાનું તેઓએ વિચાર્યું. વિચારણાને અંત પૂજ્ય મહારાજશ્રીની અનુમતિ મેળવીને તેઓએ આગામી ચાતુર્માસ પવિત્ર નર્મદાકિનારે આવેલ કરનાળી(ચાણંદ)માં ગાળવાનું નક્કી કર્યું. સૌરાષ્ટ્રમાં પહોંચવાને બદલે એક ચાતુર્માસ આવા શાતિના સ્થળે ગાળવાનો નિર્ણય થયો એટલે કાણા ૨ તથા ભાઈશ્રી મેઘજીભાઈ કરનાળીમાં ચાતુર્માસ રહ્યા. ખૂબ આનંદ અને શાન્તિથી આ ચાતુર્માસ પૂર્ણ થયા. ચાતુર્માસ દરમિયાન મુંબઈ - સૌરાષ્ટ્ર-ગુજરાતના ઘણાખરા ભકતો ત્યાં લાભ લેવા આવ્યા હતા.
૩૯. અમદાવાદ - કોચરબ રોડ: સંવત ૧૯૯૫: ઈ. સ. ૧૯૩૯
ઠાણા ૨ ઉપર મુજબ. કરનાળીના ચાતુર્માસ પૂર્ણ કરી ઠાણા ૨ તથા વૈરાગી ભાઈશ્રી મેઘજીભાઈ અમદાવાદ તરફ આગળ વધ્યા. આ બાજુ સૌરાષ્ટ્રમાં આ સમાચાર મળતાં સાધ્વી મંડળ ખૂબ ઉલ્લાસમાં આવી ગયું. મહા. શ્રી હરિબાઈ આર્યાજી, મહાસતી, શ્રી હેમકુંવરબાઈ આર્યજી તથા મહાસતી શ્રી પ્રભાકુંવરબાઈ આર્યાજી ઠાણા ૩ મહારાજશ્રીનું ભાવભર્યું સ્વાગત કરવા સૌરાષ્ટ્રમાંથી વિહાર કરીને આગળ વધ્યાં અને મહારાજશ્રીને ધોળકામાં ભેગા થયાં. ત્યાંથી પૂજ્ય મહારાજશ્રી ઠાણા ૨ તથા સાધ્વીજી ઠાણા ૩ અલગ અલગ વિહાર કરતા અનુક્રમે અમદાવાદ પધાર્યા. ત્રણ આર્યાજી પૈકી મહાસતી શ્રી હરિબાઈ આર્યાજીને પેટમાં તકલીફ હતી એટલે આપરેશન કરાવવાની જરૂર હોવાથી તેઓ પૂ. મહારાજશ્રીની આજ્ઞા લઈ આપરેશન માટે આણંદ પધાર્યા. આપરેશન સફળ થયું. પણ સુરતમાં જ બીજી તકલીફ ઊભી થવાથી હરિબાઈ આયોજી સમાધિપૂર્વક કાળધર્મ પામ્યા. બે કાણા પાછા અમદાવાદ પધાર્યા. દરમિયાન મહારાજશ્રી ઠાણા ૨ ચીનાબાગ વગેરે અમદાવાદના પરામાં ર્યા. અને પછી ચાતુર્માસ માટે કોચરબ રોડ પર મણિબેન પટેલની નવી ચાલમાં રહ્યા અને આર્યાજી ઠાણા ૨ એલિસબ્રિજ વિસ્તારમાં “પ્રીતમનગર” માં ચાતુર્માસ રહ્યાં. અમદાવાદ સંઘના પૂર્ણ ભકિતભાવ સાથે અમદાવાદના ચાતુર્માસ સંપૂર્ણ થયા.
૪૦. ધોરાજી: સંવત ૧૯૯૩; ઈ. સ. ૧૯૪૦
ટાણા ૨: પૂજ્ય શ્રી નાનચંદ્રજી સ્વામી તથા મહા. શ્રી ચુનીલાલ સ્વામી અમદાવાદના ચાતુર્માસ પૂર્ણ થયે વિહાર કરી સૌરાષ્ટ્ર તરફ આગળ વધ્યા અને
| SR No. | 032293 |
| Book Title | Sant Shisyani Jivan Sarita |
| Original Sutra Author | N/A |
| Author | Pratap J Tolia |
| Publisher | Nanchandra Maharaj Smarak Trust |
| Publication Year | 1972 |
| Total Pages | 212 |
| Language | Gujarati |
| Classification | Book_Gujarati |
| File Size | 17 MB |