Page Text
________________
દરેક ચાતુર્માસની સંક્ષિપ્ત નોંધ
હતું. એટલે તેની પૂર્વતૈયારીરૂપે લીંબડી સંપ્રદાયના સાધુઓનું સંમેલન થવાની જરૂર હતી. તેથી લીંબડીથી વિનતિ થતાં કચ્છમાંથી કાઠિયાવાડ તરફ વિહાર કર્યો. અનુક્રમે લીંબડી પધાર્યા. સંવત ૧૯૮૮ના વૈશાખ મહિનામાં લીંબડીમાં સંમેલન થયું... તે વખતે મહા. શ્રી સુંદરજી સ્વામી કાળધર્મ પામ્યા એટલે બાકીના ચાર ઠાણાઓના તે સાલમાં લીંબડી મુકામે ચાતુર્માસ થયા.
*
૧૬૪
૩૩. આગ્રા : સંવત ૧૯૮૯: ઈ. સ. ૧૯૩૩
ઠાણા ૪ ઉપર મુજબ. લીંબડી ચાતુર્માસ પૂરા થયા પછી, લીંબડી સંપ્રદાયના પ્રતિનિધિ મુનિરાજોને અજમેર બૃહત સંમેલનમાં જવાનું નક્કી થયું હતું તે મુજબ ઠાણા ૪ લીંબડીથી વિહાર કર્યો... (આ બધી વિગતો ‘જીવન-ચરિત્ર'માં આપી છે.). ટૂંકમાં અજમેર સંમેલન પૂરું થયા પછી લીંબડી સંપ્રદાયના પ્રતિનિધિ મુનિમહારાજો ત્રણ મંડળમાં વહેંચાઈ ગયા. એટલે કે ત્રણેના ચાતુર્માસ એ તરફ નક્કી થયા. મહાગંજથી નાનચંદ્રજી મહા. ઠાણા ૪ના ચાતુર્માસ ગ્રામાં થયા... ત્યાં ચાતુર્માસ કર્યા.
*
*
૩૪. અમદાવાદ – સંવત ૧૯૯૦: ઈ. સ. ૧૯૩૪
ઠાણા ૪ ઉપર મુજબ. આગ્રાના ચાતુર્માસ ભવ્યતાથી પૂર્ણ કર્યા. ત્યાર બાદ, ત્યાંથી વિહાર કરી રતલામ, ઈંદોર, ઉજ્જૈન, માંડવગઢ વગેરે ક્ષેત્રની સ્પર્શના કરી અનુક્રમે અમદાવાદ આવ્યા. અમદાવાદના છ કોટિ સંઘના આગ્રહથી સં. ૧૯૯૦ની સાલના ચાતુર્માસ મહારાજશ્રીની ભાવના અનુસાર મણિબેન કુબેરદાસ પટેલના બંગલામાં કોચરબરોડ, એલિસબ્રિજ કર્યા...આ ચાતુર્માસમાં સામાજિક પ્રવૃત્તિઓ ઉપરાંત મહારાજશ્રીની પ્રેરણાથી ‘મહાવીર સાહિત્ય પ્રકાશન મંદિર’ અસ્તિત્વમાં આવ્યું... નવદીક્ષિત મુનિશ્રી સૌભાગ્યચંદ્રજીને પોતાની વિદ્વત્તા પ્રગટ કરવાની ઉત્તમ તક મળી. શ્રી ઉત્તરાધ્યયન, શ્રી દશવૈકાલિક વગેરે સૂત્રન તેઓએ ગુજરાતી ભાષામાં અનુવાદ કર્યો, ત્યારથી તે સૌભાગ્યચંદ્રજીને બદલે 'સંતબાલ' તરીકે ઓળખાવા લાગ્યા. આ રીતે સાહિત્યપ્રકાશન શરૂ થયું. પ્રાગપુર-કચ્છના વતની મેઘજીભાઈ અહીંથી વૈરાગ્યભાવે મહારાજશ્રી સાથે જોડાયા હતા. અમદાવાદના ચાતુર્માસ ખૂબ આનંદથી પરિપૂર્ણ થયા.
*
*
૩૫. ઘાટકોપર : સંવત ૧૯૯૧ : ઈ. સ. ૧૯૩૫
ઠાણા ૪ ઉપર મુજબ, અમદાવાદના ચાતુર્માસ દરમિયાન ઘાટકોપરના સંઘની આગામી ચાતુર્માસ માટે વિનતિ થઈ ચૂકી હતી અને તેનો સ્વીકાર પણ થયો હતો.
| SR No. | 032293 |
| Book Title | Sant Shisyani Jivan Sarita |
| Original Sutra Author | N/A |
| Author | Pratap J Tolia |
| Publisher | Nanchandra Maharaj Smarak Trust |
| Publication Year | 1972 |
| Total Pages | 212 |
| Language | Gujarati |
| Classification | Book_Gujarati |
| File Size | 17 MB |