________________
મારી રચનાઓમાં નાનીનાની સ્તુતિ, મારી ધર્મ વિશેની સમજણ, અધ્યાત્મ, આંતરિક પીડા, અનુભૂતિ, સંવેદના, ચિંતનમનન, વૈરાગ્ય, ભાવજગત, ભક્તિ, જ્ઞાન, શ્રદ્ધા, પ્રાર્થના, કર્તવ્ય વગેરેની રજૂઆત કરવાનો આ નમ્ર પ્રયાસ કર્યો છે. મારો મુખ્ય ઉદ્દેશ “સ્વાન્ત સુખાય”નો છે.
મારો અભ્યાસ વિજ્ઞાનના વિદ્યાર્થી તરીકે અને વ્યવસાય એન્જિનિયર તરીકેનો હોવાથી જ્યાં જ્યાં લખાણમાં ક્ષતિ કે ત્રુટિ જણાય તો સાંભળનાર અને વાંચનારની હું ક્ષમા માગી લઉં છું.
સહુ પ્રથમ હું મારી વિકાસયાત્રાના મૂળ પ્રેરકબળ તરીકે મારા ગાંધીવાદી સ્વ. પિતાશ્રી હઠીસિંગ શાહ ઉર્ફે ભિખુભાઈ, મારા જન્મદાતા માતુશ્રી સ્વ. હીરાબહેન, બાળપણથી જ મારાં માતુશ્રીના દેહાવસાન બાદ મારી કાળજી લઇને ઉછેર કરનારાં મારાં ધર્મનિષ્ઠ દાદીમા ગંગાબા તથા તેમની સાથે રહીને મારો સંસ્કારવારસો સચવાય તેવી રીતે મોટો કરનાર સ્વ. ફોઈબા હીરાબહેનનો આજીવન ઋણી છું અને આ સંપુટનું સમગ્ર ભાવજગત તેઓને સમર્પિત કરું છું.
શાળાજીવન દરમિયાન જે આદરણીય શિક્ષકોએ મારી જ્ઞાનપિપાસા સંતોષી નિસ્વાર્થ રીતે મને સાહિત્યસંસ્કારનો વારસો પીરસ્યો તેઓને આજરોજ હું મારા હૃદયમાં યાદ કરી નમસ્કાર કરું છું.
મારા સ્વાધ્યાયમાં ઊંડો રસ લઈ મારા ભાવજગતને પુષ્ટ કરનારા મારા આદરણીય ગુરુજી શ્રી ભદ્રબાહુસાહેબનો અત્યંત ઋણી છું. તેઓએ સ્વાધ્યાય દરમિયાન મારી શંકાઓ દૂર કરીને મારા ભાવજગતને વિસ્તાર્યું છે. ધીરજપૂર્વક મારી જ્ઞાનપિપાસાને અધ્યાત્મજગતથી પોષીને તેની ઉપરનાં ખોટાં આવરણો દૂર કરીને મારી સચ્ચાઈ અને શ્રદ્ધાને દઢ કરી છે. મારા જીવનને નવા આયામમાં ઢાળનાર કુશળ શિલ્પી કહું તો જરાયે વધું નથી.
મારા શબ્દજગતને સંગીતથી ગતિવંતું કરનારાં, જાણીતા સંગીતકાર ડો. શેફાલીબહેન શાહ, હેમંતભાઈ ભોજક તથા તેમના
[
6 ]
