________________
વિજયભાઈ હઠીસિંગ જેમની સાથે છેલ્લાં ચારેક વર્ષનો પરિચય ચિંતન-મંથન માટે સંવર્ધક બનતો રહૃાો છે. સ્વાધ્યાય દ્વારા સ્વને જાણવા, માણવા અને પામવાની મથામણ સતત કરતા રહ્યાનો સંતોષ પણ મનને હાશ-હળવાશ આપે છે. સ્વયં એન્જિનિયરિંગના વિદ્યાર્થી હોવા છતાંયે નાનપણથી ગુજરાતી ભાષાના વૈભવથી ચિરપરિચિત રહૃાા છે. ઘણાબધા વિષયોની ઊંડાણપૂર્વકની તલસ્પર્શી માહિતી ધરાવે છે, પણ જાણકારી ધરાવવાના આગવા અહંથી અળગા રહ્યા છે! વ્યવસાયિક આંટીઘૂંટીઓ અને આટાપાટામાંથી પસાર થતાં થતાં પણ પોતાનું આગવું ચિંતન જીવંત રાખવું, વિચારધારાને વધુ ને વધુ સ્પષ્ટતા તરફ દોરવી અને એની સાથોસાથ પોતાની પાસે જે કંઈ છે એનો સંવિભાગ કરવો, આ એક મજાનો અભિગમ છે.
મનગમતું મળે તો માંહે ના મૂકી દ્યો પણ અન્યને વહેંચો, અન્ય સુધી પહોંચાડો!
આ જ સ્વાનુભૂતિ કે સાક્ષાત્કારનો અણસાર આપતો માર્ગ છે. કોઈને કશું પરાણે ન આપો! પરાણે પારકાને પમાડવાના પ્રયત્નો કરનારા અને એની વાતો કરનારા ઘણા બધા છે. આપણે એવું ના કરીએ પણ કોઈ માંગે કે મેળવવાની વાંછના પ્રગટ કરે તો બહુ સરળતાથી અને સહજતાથી પ્રદાન કરીએ! દાનને ક્યારેક દર્પનો સર્પ ડસી લે છે. ટૂંફકારે તો ખરો જ ! જ્યારે પ્રદાનમાં પ્રેમળ કોમળ હૈયાનો હરખભર્યો સ્પર્શ હોય છે.
- ભદ્રબાહુ વિજય
[
૯
]
