________________
કર્તા શ્રી શુભવીરવિજયજી મ.
(ચઉમાસી પારણું આવે રે) ચઉમાસી પારણું આવે, કરી વિનંતી નિજ ઘર જાવે; પ્રિયા પુત્રને વાત જણાવે, પટકુલ જરી પથરાવે રે, મહાવીર પ્રભુ ઘેર આવે, જીરણ શેઠજી ભાવના ભાવે રે.. ઉભી શેરીએ જળ છંટકાવે, જાઈ કેતકી ફૂલ બિછાવે; નિજ ઘર તોરણ બંધાવે, મેવા મિઠાઈ થાળ ભરાવે રે,
મહાવીર પ્રભુ .....૨ અરિહાને દાન જ દીજે, દેતાં જે દેખીને રીઝે; અમાસી રોગ હરીજે, સીઝે દાયક ભવ ત્રીજે રે,
મહાવીર પ્રભુ........૩ જિનવરની સન્મુખ જાઉં, મુજ મંદિરીયે પધરાવું; પારણું ભલી ભાતે કરાવું, જુગતે જિનપૂજા રચાવું રે,
મહાવીર પ્રભુ .......૪ પછી પ્રભુને વોળાવા જઈશું, કર જોડીને સન્મુખ રહીશું; નમી વંદીને પાવન થઈશું, વિરતિ અતિ રંગે વરશું રે,
મહાવીર પ્રભુ .......૫ દયા દાન ક્ષમા શીલ ધરશું, ઉપદેશ સજજનને કરશું; સત્ય જ્ઞાનદશા અનુસરશું, અનુકંપા લક્ષણ વરશું રે,
મહાવીર પ્રભુ ......૬ એમ જીરણ શેઠ વંદતા, પરિણામની ધારે ચઢતા; શ્રાવકની સીમા ઠરતા, દેવદુંદુભિ નાદ સુર્ણતા રે,
મહાવીર પ્રભુ .............૭
