________________
T કર્તા શ્રી લક્ષ્મીવિમલ વિજયજી પણ
(સાહિબ! બહુ જિનેસર વિનવું–એ દેશી) તારક ! ઋષભ-જિનેસર ! તું મિલ્યો, પ્રત્યક્ષ પોત સમાન હો, તારક ! તુજને જે અવલંબીયા, તેણે લહ્યું ઉત્તમ-સ્થાન હો તારક! (૧) તારક ! તુજ વંદન-પૂજન કરી, પવિત્ર કરૂં નિજ દેહ હો, તારક ! તુજ ગુણ સ્તવના આવી, જીહા કરું અમૃત લેહ હો તારક! (૨) તારક ! ગુણ અનંતા તાહરા, કુણ કહી લહશે પાર હો ? તારક ! કેવળી-કોડીક મિલે કદા, જાણે ન કહે નિરધાર હો તારક! (૩) તારક ! ગણધર મુનિવરે સ્તવ્યો, સ્તવીયો દેવની કોડ હો, તારક ! તો પણ હું તુજને સ્તવું, ભક્તિ કરું તસ હોડ હો તારક! (૪) તારક ! મરૂદેવી માતાને નમું, રત્ન-કુક્ષિ ધરનાર હો, તારક ! નાભિરાયા - કુલચંદલો, સકલ-જંતુ આધાર હો તારક! (૫) તારક ! સુમંગલા-સુનંદા તણો. પ્રીતમ પ્રભુ વિખ્યાત હો, તારક ! શ્રી પુંડરીક-ગણધર તણો, પિતામહ ગુરૂ જગતાત હો તારક!(૬) તારક ! તુજ નામે રિદ્ધિ સંપજે, વાધે કીર્તિ અપાર હો, તારક ! શિવ-લચ્છી‘સહજે મળે, સફળ થાયે અવતાર હો તારક! (૭)
૧. વહાણ ૨. મોક્ષ ૩. સ્તુતિથી ૪. જીભ ૫. અમૃતની રેખા ૬. ક્રોડ કેવલજ્ઞાની ૭. તે દેવોની ૮. મોક્ષ લક્ષ્મી
