________________
નમસ્કાર મહામંત્ર મહિમા
સમરો મંત્ર ભલો નવકાર, એ છે ચૌદ પૂર્વનો સાર;
એના મહિમાનો નહિ પાર, એનો અર્થ અનંત અપાર. ૧
સુખમાં સમરો, દુઃખમાં સમરો, સમરો દિન ને રાત;
જીવતા સમરો, મરતાં સમરો, સમરો સૌ સંગાથ. ૨
જોગી સમરે ભોગી સમરે, સમરે રાજા રંક;
દેવો સમરે, દાનવ સમરે, સમરે સૌ નિશંક. ૩
અડસઠ અક્ષર એના જાણો, અડસઠ તીરખ સાર;
આઠ સંપદાથી પરમાણો, અડસિદ્ધિ દાતાર. ૪
નવ પદ એના નવનિધિ આપે, ભવોભવનાં દુઃખ કાપે;
ચંદ્ર’’ વચનથી હૃદયે વ્યાપે, પરમાતમ પદ આપે. ૫
