________________
४. ६.८]
सुदंसगचरित कहियइँ चउ अंसय णिरुत्तइँ अट्ठविहइँ आयण्णहि सत्तइँ । सारसि मिगि रिट्ठी ससि हंसी महिसी खरि मयरी गुणभंसी। ताणं मज्झे इच्छियफासं सारसि णउ छंडइ पियपासं । उज्जुअसला कीलयगेहे झिन्जिवि मरइ णडिय पियविरहे। मिगि ईहइ पिययमसंजोयं बंधवसम्माणं णिरु गेयं । ण मुयइ ठाणं रिट्ठी दीणा जंपइ फरुसं दुक्खणिहीणा। ससि णिग्घिण" परछिदणिहाली । मीलियणयणा हिंडणसीली। कमलायरकीलिणि धयरट्ठी ____ अइकोवाउर महिसी सिट्ठी । खरि मेल्लइ हसति गुरुणायं सहइ चवेडं करकमघायं । मयरी दिढगाहामिसलुद्धा
साहससारा अप्पडिरुद्धा। अवरे दोसे को तहिँ कलओ एसो छंदो पायाउलओ। घत्ता-भो मित्त पुणु देसीउ सुणु मालविणी" सगुणायर ।
कीलाहरहिं गिरिसरिसरहिं वारागसिय कयायर ।।५।।
२५
अब्बुयवासिणि तिय धणु लेप्पिणु सुरउ रमइ दिणमाणु करेप्पिणु । सिंधवि आसत्ती पियगेयहाँ देइ दव्वु णियपाण वि दइयही । कोसलि कुडिलवत्त मणु अप्पइ सिंहलि गुणविसेसि पर रप्पइ। दिविडि दंतरसुदिति ण लज्जइ अंगिय वर सुरयही वि ण भज्जइ। लाडिय ललिया लावहिँ रज्जइ विण्णाणेण गउडि रइ भिज्जइ । कालिंगी उवयारहि रक्खु वि" रज्जइ किं ण मणुउ पञ्चक्खु वि। सोरहिहं चुंबणरसु सल्लइ गुजरि णियकजहाँ णउ भुल्लइ । धुत्ति होइ मरहट्टि विलासिणि उवयारहि वसि कोंकणवासिणी।
५. ६ ख ताण मज्झे इत्थिय कयफास घ भासं। १० क खण रिट्ठी परलीणा। ११ घ णिग्घिणि । १२ क पीलियमयणा । १३ ख लुद्धी। १४ ख बुद्धी। १५ घ मालिविणी।
६. १ ख घ पच्चुय । २ क ते। ३ घ दिणि । ४ क गेहहोः ख मिउ गेहहो; घ मिउगेयहु । ५ घ कुडिलचत्त। ६ ख दिविडरत्त असु, घ दिविडिरत्तप्रसु । ७ ख धार । ८ क जि वि पुज्जइ। ६ घ लाडि ललिय पालावहिं । १० ख विरणाणें। ११ ख रक्ख वि। १२ घ चुंबणु। १३ ख वि ण ।
