________________
१३६
११. १८. १२]
सुदसणचरित कहिँ चलहु कहिँ वलहु कहिँ जियहु कसु कहहु । णियसुयहिँ सहु पियहिँ कहिँ विसवि दिहि लहहु ।। असरिसहि जललवहिँ झलझलइ महिवलउ । पुणु वहइ घरु णयाँ गिरिसिहरु टलटलउ । पुणु कलइँ गिलिगिलइँ णहि मिलइँ णिरु रसइँ । अइपबल हलमुसल पुणु पुणु वि खल दिसइँ ॥ णउ तइ वि णियखणही मुणि चलइ गुणणिलउ ।
इय भणिउ दहदहहिँ लहुकलहिँ ससितिलउ ।। घत्ता-तणु मणु वयणु णिरुभियउ जेण मुणिणाहें।
तही किर को गहणु पउरेण" वि णीरपवाहें ॥१४॥
१८
विडवीविडवघडणउप्फडियतिडिक्कावलिश पिंगलो । रयभरभरियभुवणभवणोयरु पुणु णिम्मिउ महाणलों ॥रचिता।।
जाम साहू ण जोयाउँ संचल्लिओ धीरओ। जाम णीसेसगंथो गुणावासु गंभीरओ ॥ ताम तिव्वेण कोवेण सा विंतरी कंपिया। चंड आला तुंडेण मेल्लंतिया जंपिया। आसिकाले मसाणाउ आणेवि मण्णाविओ। तो पहाए कुवारेवि डंभेण गंजाविओ ॥ रक्खसेणावि तं रक्खिओ एहि को रक्खए । एम जंपेवि गंतूण पायाले दुक्खक्खए । बाहुदंडेहि तीए धरावीढु उच्चावियं । तेण उच्चं महासेल्लचकं पि कंपावियं ॥
१७. ७ ग घ पुणु हवइ घर णियरु। ८ क कहा। १ ख करि गिलइ । १० ख दहदिहहिं लहु कलउ। ११ ख पवरेण ।
१८. १ क उप्पडिय। २ ख महाणिलो। ३ ख जोयेण; ग घ जोयाण । ४ क ख मालाउ। ५ ख आणावि। ६ क रक्खसेणेवि । ७ क उच्चाइयं ; ख मुच्चाइयं ।
