________________
जयणंदिविरहयउ
[८. २३.४देवसाहुवंदणो
बूढधम्मसंदणो। धीरिमाए मंदरो
रिद्धिए पुरंदरो। दित्तिए दिणेसरो
बुद्धिए जिणेसरो। भावणाए णिडिओ काउसग्गसंठिओ। सूहओ अरूसणो
चिंतए सुदंसणो। किं करेमि तं पियं
जं बुही जंपियं । हा बुहाण णिदिरं
चिंतियं असुंदरं। जो ण कामखंडिओ
सो सलग्घु पंडिओ। उहियाणिरुत्तओं
एस छंदु वुत्तओ। घत्ता-सप्पुरिसही माणसु गहिरु विहुरे विण जायइ कायरु ।
किं सुरमहणारंभ हुए मजाय पमेल्लई सायरु ।।२३।।
रे णिहीण दीण जीव पाउ आसवेइ एहिँ । अप्पमाणमजवाणमासखाणकारणेहिँ॥ णाणवंतसंतदंतदेवसाहुणिंदणेहि । संकिलिट्ठदुट्ठचिट्ठकूरदेववंदणेहिँ ॥ कालकूडमिस्सिएहि दिण्णअण्णभोयणेहि। वत्थुवत्थइत्थिअत्थइट्टणट्ठसोयणेहिँ ॥ कूडसाचिकूडमाणकूडदव्वदावणेहि । कामकोहलोहमोहमाणडभभावणेहिँ ॥ खीरणीरसप्पितेल्लसस्सधूलिमीसणेहिँ । एवमेव जत्थ तत्थं हासरोसखीसणेहि ॥ राजवेरचोरजारथीकहाणुचालणेहि। देसरटुगामसीमदुग्गसेलजालणेहिँ ॥ थूलसण्हपाणभूयजीवसत्तदारणेहिँ ।
२३. २ क भावणा मणिटिमो। ३ क णिदियं । ४ क तुरिहया । ५ ख विहुरेण। ६ क मेल्लए ख ण मेल्लइ।
२४. १ ग घ कूडसिक्ख । २ ख भासणेहि ।
