________________
८२
णयणंदिविरहयउ
[८.१५. ६
आयउ सवडम्मुहु चलसहाउ दुग्गंधवाउ। थोवंतरे कंटयदुम णिछि करयरिउ रिछ । थिय वामिय कक्कडसरु करति सिर्व फेकरति । घत्ता-एयइँ तह अवरइँ जाम पहे अवसउणइँ पुणु पुणु पेक्खइ।
अइसयणियमासत्तमणु सव्वई वणिंदु उप्पेक्खइ ॥१५॥
जंतु जंतु पत्तो मसाणए घुरुहुरंतसंभडियंसाणए। सडियपडियबहुदेहिजंगले घुग्घुवंतघूवडअमंगले। सिवपमुक्कफेक्कारभीसणे . किलिकिलंतवेयालणीसणे। पज्जलंतजालाहुयासणे साइणीससंकेयभासणे। पिसियलाहपरिभमियगिद्धएं मडयकेसपुंजयसमिद्धए। हुंकरंत जोइयवियंभणे मंतसत्तिपरविजथंभणे। विविहरुंडबहुमुंडमालिए सिरपरिक्खहिंडियकवालिए। तहि भरंतु णियमणे जिणेसरो थियउ काउसग्गें वणीसरो।
(विलासिणी णाम छंदो) घत्ता-एत्यंतरे दाणवदलणु सूरु वि पहरहिँ अकमिउ ।
पायपसारु करंतउ वि भवियव्वहीं वसु अत्थमिउ ॥१६॥ १०
मित्तविओएँ णलिणि महासइ कण्णिय चूडल्लउ ण पयासइ । अइसोएँ ललियंगइँ सिढिलइ अलिणयणउ पंकयमुहु मइलइ। तदुहेण दुहियाइँ व चक्कइँ इत्थियसंगु विवजिवि थक्कइँ । अज वि सो तहेव कमु चालई इय पडिवण्णउ विरलउ पालई। कुमुअसंड दुजणसमदरिसिअ मित्तविणासणेण में वियसिय । १५. ४ ख सिय। ५ ख गघ अवसवणई। ६ क सद्धई (टि० श्रद्धया )।
१६. १ ख उठ्ठियउ ; ग मोवडिय; घ भुवडिय। २ क धुवडहिं अमंगले । ३ ख चीया हुयासणे। ४ ग घ साइणिय; ख भीसणे। ५ क ससियालहैं। ६ ख हिंडहिं। ७ ख तव। ८ ख दाणवणि द्दलणु ।
१७. १ क घ अइसोएण। २ क दुत्थिय । ३ क ग हि। ४ क ख "विणासेण वि।
