________________
सुदंसणचरिड
६. १६. १५].
साहुलोउ रक्खिज्जइ सच्चे णिम्मच्छरभावेण सउच्चे। मम्मिल्लहँ छंदे वत्तिज्जइ णियकज्जे खरु गुरु व गणिजई। गव्वियाहँ पडुयउ गज्जिज्जइ पाविद्रुहँ संगु वि वज्जिज्जइ। अवरु समम्मु कसु ण अक्खिज्जइ सरणे पइव जीउ रक्खिज्जइ । राउलु अह देउलु सेविज्जइ कोहु माणु माया पसमिज्जइ । घत्ता-कोवपरव्वसु माणड सुट्ठ मायारउ ।
लोहक्कंतउ कासु वि णउ होइ पियारउ ॥१८॥
१०
जो मम्महं ण भासए गुण पयासए चलइ छंदु णूणं । सो देवहु वि दुल्हो होइ वल्लहो किं ण माणवाणं ॥आरणालं ॥
अवरु वि सुंदर णयणाणंदिर । णरवइअग्गष्ट थिए ओलग्गए। परधिक्कारणु पायपसारणु। अद्धणिहालणु भउहांचालणु। करकममोडणु अंगुलिफोडणु। जणउवहासणु भासाभासणु। खासणु जिंभणु तह अवठंभणु। केसुम्मोहणु अंगपसाहणु। दप्पणदसणु
अप्पपसंसणु। सेच्छप जपणु णासाकंपणु। दंतणिपीलणु । दुट्ठउ कीलणु । आसणपेलणु अंगुव्वेलणु । इट्ठदुर्गच्छणु सेवालंछणु ।
१८. ८ क सत्थे । ६ ख णिम्मलेण भावेण ग घ मणिमच्छरभावेण । १० ख धम्में लहु ग घ मम्मिलरु। ११ क गुरु मेल्लिज्जइ। १२ ख पडयउ। .. १३ क माणसु। १४ ख लोहुक्कंतउ।
१९. १ ग घ थिउ। २ क परिधि । ३ क पहुँ। ४ ख केसहं छोडणु . . . अंगपसारणु। ५ ग घ णिकोलणु। ६ ख अंगविच्चलणु ।
