________________
સતી બંસાલા-૧ પિતાના મૃત્યુ પછી યુવરાજ જયસિંહ પૃથ્વીપુરના રાજા બન્યા. રાજયાભિષેક પછી જ તેમનાં લગ્ન થયાં. પૃથ્વીપુરની સજાવટ થઈ. રાજમાર્ગો ફૂલેથી પથરાઈ ગયા. આ યુગની પરંપરા અનુસાર નવપરણેતર રાણીનું નવું નામ રાખવામાં આવ્યું જયસેના.
પત્નીએ બધી જ રીતે પતિને અનુકૂળ જ થવું જોઈએ; ત્યાં સુધી કે નામ પણ પતિ જેવું જ હોય. એટલા માટે રાજકુળમાં અને શેઠકુળમાં જ્યારે લગ્ન કરીને વહુ પતિગૃહે આવતી હતી તો તેનું નામ પતિના નામને અનુરૂપ રાખવામાં આવતું હતું.
મહારાણું જયસેના ગુણ-સ્વભાવથી પણ મહારાજ જયસિંહને અનુકૂળ જ હતી. તે પતિ અનુગામિની, પરમ સુંદરી અને પતિવ્રતા સન્નારી હતી. મહારાજ જયસિંહ ન્યાયપ્રિય શાસક, શૂરવીર હૈદ્ધા અને પ્રજાવત્સલ સમ્રાટ હતા. તેમના સુશાનમાં પ્રજા બધી રીતે સુખી હતી.
