________________
-ત્રણ છત્રનું રૂપ ધારણ કરી આપની પાસે પોતાના અધિકારની માંગણી કરવા ઉપસ્થિત થયો છે.
જેમ છીનવાઈ ગયેલા અધિકારને પ્રાપ્ત કરવા ચંદ્રમાએ છત્રનું રૂપ ધારણ કર્યું તેમ, પુન્યના ઉદયે પ્રાપ્ત થયેલ ભૌતિક સાધન-સામગ્રીનો ભોગવટો અંતરાય કર્મના ઉદયે કરી શકતા નથી. અર્થાત્ અંતરાય કર્મના ઉદયે મળેલા સુખનાં સાધનો દ્વારા સાંસારિક સુખનો ઉપભોગ કરી શકાતો ન હોવાના કારણે જીવ સંતાપ પ્રાપ્ત કરે છે. આ સંતાપથી બચવા અંતરાય કર્મનો છેદ કરવો આવશ્યક છે. જેમ જેમ અંતરાય કર્મનો ઉદય ઓછો તેમ તેમ સુખાનુભૂતિ વધારે થાય છે. એટલે સુખમાં અંતરાય કરવાનું કામ છે અંતરાય કર્મનું. સુખ એ આત્માનો ગુણ છે, સુખની પ્રાપ્તિ એ આત્માનો અધિકાર છે. પરંતુ અંતરાય કર્મના ઉદયે સુખ પ્રાપ્તિનો અધિકાર છીનવાઈ જાય છે અને આત્મા દુઃખની અનુભૂતિ કરે છે. જીવ દુઃખી દુઃખી થાય છે.
જેમ ચંદ્રમાએ દુન્યવી વસ્તુને પ્રકાશિત કરવાનો અધિકાર છીનવાઈ જતાં છત્રનું રૂપ ધારણ કરી અરિહંત પરમાત્માની સેવા કરવાનો શુભારંભ કર્યો. તે જ રીતે આપણે પણ ત્રણ છત્રના ધારક એવા અરિહંત પરમાત્માનું ધ્યાન કરી અંતરાય રહિત બનવાનો પુરુષાર્થ કરવો જોઈએ.
: ૧૮ પાપસ્થાનકની પ્રવૃત્તિથી જ્ઞાનાવરણીય કર્મ
તથા દર્શનાવરણીય કર્મબંધ ::
પ્રાણાતિપાત :- જ્ઞાની મહાપુરુષોની હિંસા કરવાથી.... જ્ઞાની મહાપુરુષોને પરિતાપ, ત્રાસ, ઉદ્વેગ કરાવવાથી. મૃષાવાદ - જ્ઞાની ગુરુના વિષયમાં જૂઠ બોલવાથી.... જ્ઞાનોપકરણ વિષે મૃષાવાદના સેવનથી જ્ઞાન-દર્શનાવરણીય કર્મનો બંધ થાય છે. અદત્તાદાન :- જ્ઞાનોપકરણની ચોરી કરવાથી... જ્ઞાની-દર્શની મહાપુરુષોનું અપહરણ કરી ત્રાસ પહોંચાડવાથી....
૪૩ : અંતિમ લક્ષ્ય કર્મક્ષય
