________________
આ કર્મબંધના ચક્કરથી છૂટવા-વીતરાગી દેવ શ્રી અરિહંત પરમાત્માનું આલંબન ઉચ્ચતમ છે. જેમ ભામંડલની દેદીપ્યમાન પ્રભાથી અશોકવૃક્ષનાં પાંદડાંઓની લાલીમા (રાગ) લુપ્ત થાય તેમજ ભામંડલ-પ્રાતિહાર્ય યુક્ત અરિહંત પરમાત્માના ધ્યાન આલંબને આપણે પણ નામ આદિ કર્મથી મુક્ત થઈ શકીએ તેમાં કોઈ શંકાને સ્થાન નથી. માટે શુભાશુભ વર્ણાદિ નામ આદિ કર્મોનો ક્ષય કરી વીતરાગ થઈ શકીએ.
સપ્તમ પ્રાતિહાર્ય-દુન્દુભિ-સપ્તમ ગોત્ર કર્મનો ક્ષય :
ભો ભોઃ પ્રમાદમવધૂય ભજધુવમેનમાગત્ય નિવૃત્તિ-પુરી પ્રતિ સાર્થવાહમ્ | એકત્રિવેદયતિ દેવ ! જગત્રયાય,
મળે નદન્નભિનભઃ સુર-દુંદુભિસ્તે એરપી હે હે મોક્ષભિલાષી જીવો! તમારે જો મોક્ષપુરીમાં વાસ કરવો હોય તો પ્રમાદ છોડીને અરિહંત પરમાત્માની સેવા કરો, કારણ કે અરિહંત પરમાત્મા સ્વયં મુક્તિપુરી લઈ જવા માટે સાર્થવાહ બનીને આવ્યા છે.
- ધર્મારાધનામાં આળસ-પ્રમાદ કરવાથી ગોત્ર કર્મનો બંધ થાય છે. આ ગોત્ર કર્મના ઉદયે જીવ ઊંચ અને નીચ કુળ, ખાનદાન પ્રાપ્ત કરે છે. દુન્દુભિના નાદે પ્રમાદ ત્યાગી અરિહંત પરમાત્માની આરાધના, સાધના અને દેશના શ્રવણ કરવા પધારવાનું આમંત્રણ દેવલોકના દેવતાઓ આપે છે. જેમ સંગીતના તાલે પગ થરકવા લાગે છે તેમ દુન્દુભિના નાદે સંસારમાં આસક્ત અને પ્રમાદી લોકો પણ પોતાની આસકિત અને પ્રમાદ છોડી અરિહંત પરમાત્માની સેવાભક્તિ, દેશનાશ્રવણ કરી ધર્મના માર્ગે ઉદ્યમશીલ થાય છે જેના કારણે ગોત્ર કર્મનો ક્ષય થઈ શકે.
૪૧ : અંતિમ લક્ષ્ય કર્મક્ષય
