________________
વેદના આપનાર પણ હંમેશાં માટે વેદના રહિત બને તેવી ભાવના સાથે કરુણા સાગર પ્રભુએ પોતાના વેદનીય કર્મને ખપાવ્યું છે તેથી તેમની પુષ્પપૂજા કરવાથી આપણે પણ કોક દિવસ વેદનીય કર્મ રહિત બની શકીએ.
૪.
ધૂપપૂજાથી મોહનીય કર્મનો ક્ષય :
ધ્યાન ઘટા પ્રગટાવીએ, વામ નયન જિન ધૂપ, મિચ્છત દુર્ગંધ દૂર ટળે, પ્રગટે આત્મ સ્વરૂપ.
મિથ્યાદિ તથા મિથ્યાત્વ તથા અનેક દુર્ગુણોરૂપી દુર્ગંધથી આપણો આત્મા અનંતકાળથી દુઃખમય સંસારમાં જન્મમરણ કરી રહ્યો છે. આ જન્મમરણના ચક્કરમાં કર્મના ભારથી દબાયેલો આત્મા માથું પણ ઊંચકી શકતો નથી. અત્યંત ભારથી ત્રસ્ત એવા પશુની જેમ માથું નીચું રાખી અનંતકાળથી આ સંસારમાં ભટકી રહ્યો છે અને દુઃખી દુઃખી થઈ રહ્યો છે. તેને ક્યાં જરાય આરામ વિસામો મળતો નથી. ઊંચું જોવાની પણ હિંમત હારી ગયેલો લાગે છે. આત્મા અને કર્મ બંનેના અનાદિ સંયોગથી સંસાર વધે છે – ચાલે છે - બગડે પણ છે.
આત્મા + કર્મ = સંસાર તેમ,
સુગંધી પદાર્થ + કોલસાનો ભુક્કો = અગરબત્તી-ધૂપ ...
આત્મામાં અનંત ગુણોની સુગંધ હોવા છતાં મિથ્યાત્વ આદિ અનેક દુર્ગણો રૂપ કર્મની દુર્ગંધથી દબાયેલી છે. સુખડ આદિ સ્વયં સુગંધી પદાર્થ હોવા છતાં કાળા કોલસાના સંયોગે સુખડે પોતાની સુગંધાદિ ખોઈ નાખ્યા છે.
હવે અગરબત્તીને આગના સંયોગે જલાવવામાં આવે તો રાખ અને ધુમાડો બંને છૂટાં પડે. ધુમાડામાં સુગંધ છે, રાખમાં સુગંધ નથી. ધુમાડો વજનમાં હલકો ફૂલ છે, રાખ ભારે છે માટે નીચે પડે છે અને ધુમાડો ઉપર આકાશમાં ઊર્ધ્વગતિને પામે છે. તેમ આત્માને અનાદિકાલીન કર્મથી મુક્ત કરાવવો હોય તો તપગુણથી તપાવવો જોઈએ. તપગુણથી તપાવેલા આત્મામાંથી મિથ્યાત્વમોહનીય આદિ દુર્ગંધ દૂર થશે. આમ પ્રભુની ધૂપપૂજાના ઉચ્ચતમ
૨૪ : અંતિમ લક્ષ્ય કર્મક્ષય
