________________
भविसयत्तकहाए।
अण्णेक्कु तहिं जि पुरि बहुगुणड्ड हरिबलु णामि वणिवतु वियड्ड । तहो पियगेहिणि णामेण लच्छि संपुण्णवयण कुवलयद्लच्छि । कमलसिरि नाउं तहितणिय दुहिय मणहरच्छणिंदेअरविंदमुहिय । धणवइ वणिवरु गउ तहो जि गेहि गय दिहि तासु तहिं तणई देहि । किंदुहि रमंतिं णयणइट्ट पंगुरणविवरिथणकलसु दिह । अहिलासु पुव्वसंबंधि जाउ परिवडिउ विहिंमि मणाणुराउ । मग्गेवि लक्ष्य सा तेण कर्ने निवेसिट्टि भणिवि हरिबलिण दिन्न ।
परमोच्छवि आरंभिउ विवाहु परिओसिउ पुरु पुरुवइसणाहु । घत्ता । किय मंडवसोह घरि घरि बढई तोरणइं।
उल्लोचसयाई रइयई जणमणचोरणई॥८॥ खंचिय मेइणि तंडविय वण्णु बहुपरिमलचंदणच्छडय दिण्णु । दो खंड करिवि घत्तियऽरविंद पूरिवि णिविट्ट सुहिसयणविंद । कालागुरुखंडई बोहियाई वरभवणसयई उवसोहियाई । णियगोत्तमाइमंगलवलीउ पूरिवि मोत्तियरंगावलीउ । संभासिउ सयणु विसिह इछु णरनाहु चउक्कासणि बइठ । पुणु किउ परिचित्तिं संपहातु वरभोयणु वत्थाहरणसातु। परिहाइवि उजलवासवेसु अंतेउरु परियणु पिंडवासु। पुणु किउ घरवावारहो पहाणु पुरपउरहो बहुसम्माणदाणु । बहुविविहभक्खभोयणहि भोज्जु पइसरइ लोउ भुंजइ मणोज्जु । तंबोलु विलेवणु वत्थु लेवि जं जासु जोग्गु तं तासु देवि । पुणु दिण्णु भरियभुवणंतरालु डिभेरिसंखकाहलवमालु।
अवयरिउ णाई पच्चक्खु सग्गु जोइउ सुरिक्खु सुमहुत्तु लग्गु । घत्ता । घिउ हुववहि चित्तु मंगलसद्द समुच्छलिउ।
बहुतूररवेण केन्नहि पाणिग्गहणु किउ ॥९॥ कयपाणिग्गहणि वियडलील तरुणिहिं आरंभिय कामकील । सुविसुद्धवंसि उप्पणियाउ सुवियडुगुणहिं संपुण्णियाउ । उब्भडवरतरुणिउं जाउ जाउ उव्वग्गिवि दुक्कउ ताउ ताउ ।
-
१ A अनिकु २ B मणहरच्छणेई ३ B हिंदुवहिं रमतें ४ B कण्ण ६ B णिवसेठि ६ B दिण्ण ७ B परचित्तें - B वास ९ A मज्ज १० A हरिय ११ B कण्णहो
