________________
पठमोसन्धी। जहिं मिहुणइं मयणपरव्वसाइं अवतुप्पतुपरिवडियरसाई। उवभोयभोयसुहसेवयाइं गामइं कुक्कुडसंडेवयाई । जहिं जलई कयावि न दूसियाइं मयरंदरेणुवामीसियाई । जहिं सरई कमलपहतंबिराई कारंडहंसवंयचुंबिराई । जहिं पंथिय ततुच्छायहिं भमंति जत्थत्थमियई तहिं णिसि गमंति।
पामर वियड्डि वयणई णियंति पुंडच्छुरसई लीलई पियंति । घत्ता । तहिं गयउँरु णाउं पट्टणु जणजर्णियच्छरिउ ।
णं गयणु मुएवि सग्गखंडु महि अवयरिउ ॥५॥ तं गयउरु को वणणहं समत्थु जं पुहइहि मंडणु णं पर्यंत्थु । जं भुत्तु मउडकुंडलधरेहिं मेहेसराइबहुणरवरेहिं । जहिं कीलिउ सेयंसाहिवेण पारणउं कराविउ रिसहु जेण । महवा चक्केसतु जित्थु आसि जिं भुत्त वसुंधरि जेम दासि । पुणु सणकुमातु णिहिरयणवालु छक्खंडवसुहसुहसामिसालु। पुण संति कुंथु अरु तिण्णि राय चक्कवई होइ तित्थयर जाय । जहिं अण्णवि पर णरवइ महंत सग्गापवग्गवरसुहई पत्त ।
जसु कारणि णियसुहितंडवेहिं कुरुखेत्ति भिडिउ कुरुपंडवेहिं । घत्ता। जहिं तुंगतवंगि संठिउ संखकुंदधवलु।।
जणु सुत्तुवि उडु देखइ गंगाणइहिं जलु ॥६॥ तहिं पट्टणि सियैकलयलवमालि वरयरि वटुंतए सुसमकालि। अट्ठमा तिथि पसरंतणाणि चंदप्पहजिणपञ्चक्खमाणि । जहिं जणु णिबहु संघडणधीरु धणुसउदिवड्डदीहरसरीरु । णिम्मलसम्मत्तपयावभाणु वीसद्धलक्खपुव्वाउमाणु । तहिं कालि तित्थु पैदृणि जयासि भुवोलु णांमु णरनाहु आसि । कियवसविहेयधरवलयसातु बहुनरनिहायसंखुहियवातु । जणवल्लंहँचरिउ विसुद्धवंसु जयलच्छिमरालिहि रायहंसु ।
तहो धणवइ णामि रायसिढि दरवियसियसियकंदोद्ददिहि । घत्ता । पउरालंकारु बहुधणु बहुगुणु बहुसयणु।
सुइदंसणदेहु नवजुवाणु सुंदरवयणु ॥७॥ ____१ A चय २ A पथिय ३ B गयवरु ४ जणमणअच्छरिउ ५ A वन्नहं ६ B पसत्यु ७ B रिसहो ८ B जेथु ९ B जे १० B पाल ११ B भिडिय १२ B थियकलयले १३ B तेथु १४ पट्टणे १५ B भुआल १६ A णाम १७ B जणवल्लहु
