________________
चउद्दहमो सन्धी। परिवड्डियगआवहं तुलपयावहं गयउरपोयणपत्थिवहं ।
जण कहमि महाहउ जयसिरिलाहउ विहिंमि कढिणकक्कसभुअहं ॥ दुवई । गिरि व दुलंघु ससि व पहनिम्मलु हत्थि व दिन्नदाणओ।
तहि कुरुजंगलद्धि महिमंडलि हुउ भविसत्तु राणओ॥ तो करिकरपवरडुअभुएण नरनाहु वुत्तु धणवइसुएण। जइ हउं जि देव पई किउ पयत्थु तो नियउ देहि उत्थल्लि हत्थु । उद्दालमि कच्छाहिवहो रज्जु सो तउ अणि खलु अकयकज्जु । जंपइ पोयणपुरवइहिं पक्खु पडिगाहिवि थिउ मंडलु असंखु। लइ सो जि झडप्पमि पढमु ताम संचिवि पडिवक्खि न मिलइ जाम। पच्छण्णु सो वि गउ तं सुणेवि आयउ असंखु खंधारु लेवि । संपेसिउ दूउ विचित्तभेउ कच्छाहिउ तुम्हहं वसविहेउ । तहो उप्परि पहु मं करउ रोसु पइसरइ सरइ पंचालदेसु। । आवइ वि न तुम्हहं पासि ताम मोडिउ न दंडु महिवइहि जाम ।
सम्माणिउं भडु आणंदु जाउ थिउ कुरुबलु परिवद्धियपयाउ । घत्ता । रयणिहिं पच्छन्नहिं वियणियवन्निहिं पिक्खिवि पहुपरिवारसिय ।
रिउचरहिं भमंतहिं चारु चरंतहिं अवरुप्परु आलाव किय ॥१॥ दुवई । पभणइं मइंमि दिहु सो राणउं अंतरि भवणि पत्तओ।
अडुग्घाडु निएवि उवलक्खिउ कंतई सहुं चवंतओ॥ उवहइ समरसंगमकणेरि परिवड्रइ रणभरभारखेरि । विलिहंतु सुहड संगामसीह भविसत्तहो कड्डहिं पढमलीह । अन्निकु भणई रणि लोहजंघु पहुकजि भिडइ वइरिहिं अलंघु । अनिक्कु भणई सिंहउरमल्लु भडु वइरिवरंगणहिययसल्लु । अनिक्कु भणई कतिउरनाहु उव्वहइ समुन्भडभडपवाहु। अन्निक्कु भणई पहुभविसयत्तु मई निसुणिउं सहुं जणणिए चवंतु। महु तासु अंगपाहरिउ इहु तहु संगि हउ अंतरि पइटु । सहु मंतिहि थिउ मंतणइ जेत्थु णीसेसरयणि मइं गमिय तेत्थु ।
तहु जित्तिउ बलु माहप्पु दप्पु तेत्तिउ नरवइहि न भडकडप्पु। घत्ता । अवलेविं वट्टइ रणु परियट्टइ परिओसइ परिवारजणु।
पहुपत्ति विसेसइ चर परिपेसइ अच्छइ परबलि दिन्नमणु ॥२॥ १ B पवणुझुअ०
