________________
भविसयत्तकहाए पहचरियई चरियई पुन्वि जाइं महु एवहिं हियउ डहंति ताई। चरियालु हउंमि कम्मेण मूड उच्चलिउ नवल्लपियम्मछूछ। पच्छइ पुणु कवडु करेवि ताएं मोहिउ सरुवदुट्टइं खलाई । तहिं चरिउ अणुज्जुयदोस इह महु कंचणमालई अज्जु सिटु । कवडें मंतेविणु दुट्ठमंतु हउं ताएं खलई दुव्वसणि खित्तु ।
एवहिं परियाणि मइंमि कज्जु मुइ मच्छरु मणु संठवहि अज्जु । घत्ता । जं मझु पराहवि अमुणियलाहवि सुंदरि दुहु अणुहविउ पई।
इय एउ मुहुत्तिं पणयनिउत्तिं तं फुड्डु जाणिउं अज्जु मई ॥१०॥ दुवई । जं एमवि न दिन्नु पञ्चन्तर वयणिहिं सघणनामहि ।
तं दुव्विसहु सहिवि नउ सकिउ सल्लिउ कामबाणहिं॥ तो अवलोइवि तहिं वयणभंगु पय धरिवि निवेसिउ उत्तमंगु । तं निएवि पसन्न महाचरित्त जंपिय हरिसंसुजलोहसित्त । लइ खमिउं खमिउं पुब्वावराहु पय मिल्लि मिल्लि मं करहि गाहु । उक्खिवह न सकइ तणु तुलेवि ऊसरइ केम थिउ पय धरेवि । पणवंतिहि कंठि विलग्गु हारु उत्थल्लिउ सिरधम्मिल्लभारु । पंगुरणिं मिल्लिउ उत्तमंगु परिचिंतिवि नाई नवल्लसंगु । करजुयलउ पियभालयलि छूटु मणिचूडु कणयकुंडलिहिं गूढु । हलि कणयमाले कीलणपमाए विग्गुत्तएण धुत्तेण माए। तं निसुणिवि सावि समोसरंति दरवियसिउ काणच्छिउ करंति । उहावइ पियवयणइं चवेवि किय घरसम्माणु पसन्न देवि । जंपिवि गुणदोस हियंतराइं तोसवियइं बेवि महत्तराई। पुजिउ जामाइउ गउ निवासिं बहसारिवि कंचणमालपासि ।
सम्माणिय वत्थाहरणु देवि परिओसिय वहु हियवउ भरेवि । घत्ता । परियणु अप्पाइवि दिहि उप्पाइवि संफासिवि अहिमाणगिरि ।
सहुं कंचणमालए कुलवहुआलइं गय पइमंदिरि कमलसिरि ॥ ११ ॥ दुवई । तो मंगलसएहिं घरु आयहो ससयणकयपयत्तहो ।
चउकंधसिहरि वासहरु पसाहिउ भविसयत्तहो ॥ १ B सप्पणामहिं
