________________
रहमो सन्धी |
सरसपिधम्मभावि गच्छंतहं पुणु पुणु गयणमग्गु पिच्छंतहं । ताहं विहिंमि पियसंगपियासह नं दिणमणि अत्थमिउं हेयासह | घत्ता । पेडिवन्नियसारि परमनेहसन्भावरय ।
मउलावियनित्त कुलवहु वरवासहरु गय ॥ ८ ॥ तो विष्फुरियवियक्खणसत्तिए कंचणमाल वुत्तु पहुपत्तिए । हैले सुंदरि उवसोह लहि सम्वारहो वहु रइभवणवासि पइसारहो । उट्टिय सा विसमउअरविलयहिं कयमुहपत्तिपसाहियतिलयहिं । मज्जणभवणि ताहं तसु अंगिय विविहाभंगणेहिं अब्भंगिय । बहुपरिमलजलेण संमज्जिय घुसिणुव्वत्तणेण उव्वत्तिय । कुंचियकुरुलकेसपरियत्तिय निम्मलपरमणेह आसत्तिय । कुंकुमरसिण पसाहिवि अंगई परिहाविय वत्थई देवंगई । वरतरुणिहिं तरलावियनयणिहिं कीलइ कामुक्कोवणवयणिहिं । मुडहिं मयरद्धउ संचारिउ दप्पणि तोए तिलउ पइसारिउ । रसणि अणंगु अहरि कलयज्जलु लोयणजुयलि निवेसिउ कज्जलु । धत्ता । सिंगारिवि सोह कमलाएविहिं दक्खविय ।
आसीस भणेवि ताइंवि रहहरि पट्टविय ॥ ९॥
सा वहु तं मणनयणाणंदिरु सहुं कंतिं पट्ठ रहमंदिरु । सव्वावसर जेत्थु सुहसंगहो लग्भइ रइसमिद्धि दिहि अंगहो । चित्तु विचित्तुवि जहिं सम्माणउं जित्थु अणंगु अंगि रद्द माणउं । जं महमहइ घुसिणकप्पूरिं मयपरिमलपरिवासियदूरिं । जहिं तंबोलकुसुम सुपवित्तरं विविकंचिवासहिं निहित्तई । जलु भिंगारि हारि मुत्ताहलु दप्पणबिंबु केलिकोऊहलु | पवणु गवक्खि संखि हरियंदणु विंभउ नयणि वयणि परिडंवणु । पुल कवोलि जित्थु पडिवज्जइ जरइ जाणु सिहिणिं करु छज्जइ । तहिं इक्कं भवणि सुहसन्नई बेवि तुलिपल्लंकि निसन्नई | धत्ता । सुमरेविणु ताएं पियविच्छोयमहादुहई |
सविलक्मणाई थियइ बेवि मउलियमुहई ॥ १० ॥ निरु गाढालिंगणु चप्पिवि थिय उच्छंगि चडिवि मुहु झंपिवि ।
१ B समास २ B पडिवनवियारि ३ B लहि
११
८१
