________________
अट्ठमो सन्धी जहिं उज्जाणपुरंई सुहसंचिय दाहिणपवणपहयकुसुमंचिय । जहिं मरुकुंदकुसुमसंचलियउ दैवणयमंजरीउ नवहलियउ । जहिं आयंबिरफुल्लपलासउ सोहइ नाइं पलितु हुँवासउ ।
जहिं बहुरसविसेसवसकमलई बहुकुसुमई धुणंति भमरउलई । घत्ता । जहिं मालइकुसुमामोयरउं चुंबतु भमई वणि महुअरउं ।
अइमुत्तए वि जहिं रइ करइ सो बालवसंतु को न सरइ ॥ १० ॥ एत्तहे वि सा कमलमहासिरि मग्गु नियइ थणपन्हुपयासिरि । चंदणछडउ दिण्णु जणु पेसिउ अहिमुहु मंगलकलसु निवेसिउ । पंगणि वित्थरियई सयवत्तहं धरियई दहिदोव्वक्खयपत्तइं । केण वि कहिउ असेसु गविट्ठउ भविसयत्तु जणि कहिंमि न दिट्ठउ । तं निसुणिवि सहसत्ति चमक्किय उद्विय सोयवग्गिदमकिय । गुज्झावरणगूढ सुणिउत्तहं घरि घरि भमिय नयरि वणिउत्तहं । कारणु किंपि कोवि नउ साहइ पर पियवयणु चवइ मुहूं चाहइ ।
जाइवि ताम संख्वइं जाएं जणणिवयणसंकेयसराएं । घत्ता । कर मउलि करेवि कवडिं पणविप्पिणु सिरिण ।
संखुहियमणेण जंपिउ किंपि सगग्गरिण ॥११॥ पुच्छिउ कुसलु वयणु थिउ भल्लउ सो कहिं तुम्हतणउं सथिल्लउ । भणइ कुडिल्लु अणुज्जु अवकउ सो अन्नहिं दीवंतरि थक्कउ । केण किंपि समग्गलु लेसइ कइहिंमि दिणिहिं सोवि आवेसइ । तहो जंपंतहो वयणु पलोइवि थिय कवोलि करयल संजोइवि। नउ सुंदरई चवंतहो वयणई थोरंसुयहिं निरुडई नयणई। किउ संघटु विहुरु चिंतंतिए अकुसलु किंपि जाउ विणु भंतिए । हा विवरीउ जाउ विहि दुट्ठिय रुलुघुलंति सहसत्ति समुट्ठिय । .
घरुमि न पत्त समुभियवाहिहिं अद्धवहिन्जि विणिग्गयधाहिहिं । घत्ता । हा पुत्त पुत्त उकंठियहिं घोरंतरि कालि परिट्ठियहिं ।
को पिक्खिवि मणु अन्भुद्धरमि महि विवरु देहि जिं पइसरमि ॥१२॥ हा पुव्वजम्मि किउ काई मई निहिदंसणि जं नयणई हयई । हा पुत्त नयरि वडावणउं महु दीणहि वयणु द्यावणउं ।
१B पुहइ २ A दवणयमंजरिजों ३ B सुवासर ४ B एतहिं विलास ९ A सहअहिजाएं
