________________
५०
भविसयत्तकहाए पढमउं सियपंचमिहि लइज्जइ सुअपंचमि सा तेण भणिजई। अक्खमि जेम मुणिंदहं सिट्ठी तेहिंमि जिणपरमागमि दिट्ठी। चिंतियकामधेणु जा सुक्खहो सुहसोवाणपंतिकयमोक्खहो ।
सुयणहिं जिणसासणि उवसंतिहिं किन्जइ जिम्व घरवासि वसंतिहिं । घत्ता । जो ताहि फलेण वंच्छइ सासयसुक्खनिहि।
जाणेविणु तेण पढमउं ता उववासविहि ॥३॥ एकाहारु करिवि तव तन्हई सुमरिव्वउ चउत्थिअ वरन्हई । पञ्चक्खिवि पच्चक्खें सूरि विसयसंगु परिवजिवि दूरिं । रयणि वसिवि चंचलु मणु खंचिवि पुणु पञ्चूसकालि जिणु अंचिवि । नाणहो गुरुहु विमुक्कवियारिहिं पुज्ज करेविणु अट्ठपयारिहिं । तिहिं सक्खिहिं उपवासु लइज्जइ परमजिणागमजुत्तिए किन्जइ । अच्छिजहु सुहझाणु समारिवि घरवावारु हियइ अवहारिवि । दसविहु धम्मक्खाणु सुणंतहं जीवाजीवपयत्थ मुणंतहं । धम्माहम्मवियारणु लक्खिवि अखलिउ बंभचेरु परिरक्खिवि । तिन्नि काल जिणनाहु नवेप्पिणु तद्दिणु रयणि वि एम गमिप्पिणु । पुणु दिवसयरउअइ पडिवन्नई जिणपुज्जाविहाणसंपुन्नई ।
छट्ठिहि एकवार भुंजिव्वउ तवविहि पुन्नपुंजु पुंजिव्वउ । घत्ता । अच्छिव्वउ एम मासि मासि सियपंचमिहिं ।
तवनियमगुणेहिं जाम समाणिय सयलविहि ॥ ४॥ पढमउं पंचमास उवसिज्जइ पुणु संवच्छर पंच लइजइ । सव्वई सत्तसहि उववासइं होंति महातवरिद्धिपयासई । पच्छइ पुणु उज्जवणु करिव्वउ पंच पयारु सव्वु वि वरिव्वउ । पंचिंदियहं वियारु जिणेव्वउ मंगलु पंचपयारु भणिव्वउ । पंचाचारु करुणु अणुमन्निवि पंच लएवि पंच अणुमन्निवि । चामरकलसछत्तभिंगारइं ताइंमि रिसिवि पंचपयारइं । पोत्थइ पंचमिसत्थु लिहाइवि पंचवन्नवत्थई उच्छाइवि ।
जासु नाहिं उज्जवणविहोउ तहो विउणारउ तं जि निओउ । घत्ता । सुव्वयवयणाई कमलई सिरिण पडिच्छियई।
करमउलि करेवि तिविहंतरिण समिच्छियई ॥५॥ सुव्वयाइ जं कहिउ हियत्तिं कमलई तं जि लयउ परमत्थि । १ B विवणउ विहि
