________________
भविसयत्तकहाए
बालइ कलुणु सहु किउ कायरु लहु आयउ खलु खुहु निसायरु । लइ वदृइ अवसाणु निरंतर नियविक्किउ कयंतदंतंतरु ।
तो पिक्खिवि अवलंबिय धीरिं मं भीसिय कुमारि वरवीरिं । घत्ता । आधुट्टई ताई सत्त परमसिडक्खरई।
सम्मत्तिं जाई कयकल्लाणपरंपरई ॥ १६ ॥ तओ आगओ सो अराइन्नराओ महाभीमभाभासुरो भिन्नकाओ। असंतो विसंतो सुपच्छन्नमित्तो कुले सुप्पहूवाण भूआण मित्तो। अखोणीवलग्गो असावन्नभासो घणंधारघोरो कयंटट्टहासो । सिरे उद्धकेसो जलंतंतरिक्खो सचम्मट्ठिसेसो भिसं दुण्णिरिक्खो। सया भूलयाभंगुरावत्तगत्तो दुरालोयणो दुम्मुहो रत्तनित्तो। फुरंताहरुट्ठो समीरं गिलंतो ललंतंतजीहो हविं दुग्गिलंतो। महापावकम्मो सुसंघटगाढो कयंतुव्व कुद्धो करातुंगदाढो।
नराणं वराणं व दिट्ठीविणासो पइट्टो सि तं मंदिरे सो हयासो। घत्ता । आवंतहो तासु धीरु वीरु रहसिं भरिउ ।
वसुनंदउ लेवि मंडलग्गु करयलि धरिउ ॥ १७॥ सो निएवि जालोलिभयंकरु अग्गिफुलिंदितु सयसकरु । विरसु मुक्कु हुंकारु भयावणु कुरुडकयंतलीलरिसावणु। तेण वि दिव कुमारु अकायरु वडवानलिण नाई रयणायरु । न खमिउं खणु वि भवीसहो कंतिं तजिउ सुहडालाव चयंतिं । अरि अरि ढंढवाल भडभोइय कहिं पइसरहि कयंतिं चोइय । खलमुहि वाइओसि पुरलोएं निहणु नेमि पइं अज्जु अजोएं। एम सरोसु चवंतिं बालिं धारायरु निरुड्डु जिह कालिं । दाहिणकस करवालें चप्पिउ वामउं वसुनंदइण झडप्पिउ । तं निमुणेवि निसायरु झकिउ परिचिंतइ मणेण आसंकिउ ।
नउ सामन्नु कोवि नरु दीसइ जो महु समुहं भडत्तणु दरिसइ । घत्ता । एउ विरसु रसंतु मई संघारिउ सयलु पुरु।।
पडिवयणसमत्थु एहउ कोवि न दिह नरु ॥१८॥ एहु न इत्थु नयरि संजायउ अन्नु कोवि पासंडिउ आयउ । आसि एत्थु जो राउ जसोहणु तेण वि न किउ किंपि आओहणु । १ B अराईणराओ
