________________
भविसयत्त कहाए
फुड घणमित्तु नाउं गुणवंतउ अणुदिणु पियवच्छ करंतर । महु वयणि जिणघम्मि पवत्तिउ सो कहिं नाह कवण गइ पत्तउ । धत्ता । तहु गुण सुमरंतु नाह विसूरइ मज्झु मणु ।
करु करिण धरेवि पुणु वि करमि वयणालवणु ॥ १ ॥
३०
तं निसुणेपिणु कहइ जसोहरु निम्रुणई अच्चुय सग्गपुरंदरु । जंबूदीवि भरहि ससिदप्पणि अज्जवखंडि सुसमि अवसप्पिणि । अट्ठमि जिणवरिंदि ससिकंतए पंचपयारि नाणि पवहंतए । सुयणसमिद्धि समुन्नयमाणए दीह दिवड धणुहं सयमाणइ । सुविहिए सिसिन्हालए पाउसि जणि वीसडलक्खपुव्वाउसि । कुरुजंगलि भूवालनरिंदहो पट्टणि हत्थिनायपुरिविंदहो । aras रायसिट्ठि सुपसिद्धउ पहुपरिवारे तिवग्गसमिद्धउ । परधणु पायधूलि जो मन्नई पिक्खिवि परकलत्तु अवगन्नई । धत्ता । भूवालु नरिंदु सप्परिवाउ समंतिगणु ।
तहो वयणु निएइ किं पुणु पउरु सपउरयणु ॥ २ ॥ तहो कमलसिरि कंत सुमणोहर चक्कलपीणुत्तुंगपओहर । बालमराललीलगइगामिणि सव्वहो पइपरिवारहो सामिणि । विएं ताई मुणिंदु समासिउ तेण वि पुत्तजम्मु आएसिउ । सुउ उप्पन्नु सयणु परिओसिउ भविसयत्तु तहु नाउं पघोसिउ । परिवडिउ सिक्खविउ महत्थइ सुअसत्थत्थगंथसद्दत्थइ । सा कमलसिरि पुराइयकम्मिं गुरुगहणेण विणासियधम्मिं । सीलचरित्तकुलकमजुत्तु वि परिसेसिं कंतिं गुणवंति वि । विणrafts पियरुल्लिय घरवासहो नीसारिवि धल्लिय । घता । हरियत्तहो गेहि जाइवि थिय निव्वुइ जणिवि ।
परिपालिउ बालु लच्छिए दोहित्तउ भणिवि ॥ ३ ॥ वरइन्तिं नयविणयपयत्तहो परिणिय अन्न धीय धणयत्तहो । नाउं सरूवसरूवमणोहर उरयडि अडुम्मिल्लपओहर । ताहिं पुत्तु उप्पन्नु मनोहरु सयलकलाकलावपसरियस रु । बंधु नामेण महामह धणहो निमित्तें करिवि महामह । चल्लिड कंचणमहि सुमरिष्पिणु पंचसयई वणिउत्तहं लेप्पिणु ।
