________________
२९
चउत्थो सन्धी अग्गइ कमलवावि सुमणोहर णं कामिणि सच्छायपओहर । तहिं अवयरिवि अंगु पक्वालिवि कमलई खुडिविधुएविअणुमालिवि।
अहिमुहूं चलिउ धवलसियवाहहो दिङ बिंबु चंदप्पहणाहहो। घत्ता । परिअंचिवि अंचिवि परमगुरु अवलोइवि सव्वायरेण ।
समदिट्टिए सामाइउ करेवि थुइ आढत्त गरेसरेण ॥१२॥ तिलयदीवंतरत्येण चंदप्पहं संथुअं भविसयत्तेण चंदप्पहं । भरहखेत्तम्मि काले चउत्थे जए वमाणम्मि तस्से य तित्थेसए। सिसिरकालम्मि उन्हालए पाउसे मत्तलोयम्मि दसलक्खपुव्वाउसे । उस्समाणं धणूणं दिवढं सयं जेण पत्तं पवित्तं सिवं सासयं । अट्ठमं जेण तित्थं पवित्ताइयं जस्स जम्मे तिलोयम्मि वद्धावियं । जस्स वायाई भुवणत्तयं मोइयं केवलेणं तिलोयं पउज्जोवियं। जेण मिच्छत्तमोहं च णिण्णासियं विभासंतरेणं जयं भासियं । जेण लोयस्स लोहत्तणं फेडियं दुट्ठकंदप्पदप्पं च पंचेडियं । अप्पमत्ताण भत्ताण संती सया देसिउं दाविया जीवलोए दया। णाह कजेण तेणं मए संथुओ जेण तुम्हाण पासं गर्म तकुओ।
देहि अम्हाण माणम्मि काउं दयं अक्खयं अव्वयं तं महंतं पयं । घत्ता । तहिं तिलयदीवि भविसिं णमिउं इत्थु काले धणवइ थुणई। अणुणंतपढंतसुणंतहमि देहि भडारा विमलमई ॥१३॥
चतुर्थः सन्धिः तं निसुणहुं जेम सई भविसाणुरूव वरइ।।
भविसत्तु कुमार पाणिग्गहणु जेम करइ ॥ चंदप्पहुजिणुसामि नमंसिवि पावकलंकपंकु विद्धंसिवि । चउविहसवणसंघु अहिणंदिवि अप्पउ सलहिवि गरहिवि निंदिवि । होइवि भविसयत्तु कयउनउं सुहसिज्जासणि पटि निसन्नउ । सोवइ निंद जाम थोवंतरु तामन्नित्तहि चलिउ कहंतरु। पुव्वविदेहि मुणिंदु जसोहरु संठिउ सुक्कज्झाणि परमेसरु । नाणुप्पण्णु तासु तं केवलु चउविहदेवागमणु समुज्जलु। पुच्छइ अच्चुयनाहु सुरेसरु चिरु महु मित्तु आसि जो वणिवरु । C adds इय भविसत्तकहाए पयडियधम्मत्थकाममोक्खाए वुहधणवालकयाए पंचमिफलवण्णणाए भविसत्ततिलकपुरवण्णणो णाम घडत्यो संधी परिच्छेओ सम्मत्तो।
