________________
૬૬
શ્રી દેવચંદ્રજી કૃત ચોવીશી ભાગ : ૨
તથા તે સર્વ ગુણોનું એકી સાથે જાણપણું, સર્વગુણોને ભોગવવાપણું, તેનો આનંદ માણવા રૂપ સુખીપણું હે પરમાત્મા ! તમારામાં સમકાળે આ બધા ગુણો વર્તે છે. તથા રમવાલાયક એવા ક્ષાયિકભાવના આત્માના અનંતગુણોમાં રમવાપણું પણ આપનામાં વર્તે છે. આ પ્રમાણે અનંત અનંત ગુણોનો સમૂહ તમારામાં વર્તે છે. ॥ ૭ II
વિવેચન :- હે વીતરાગ પરમાત્મા ! તમારામાં જ્ઞાનની, દર્શનની ચારિત્રગુણની, વીર્યગુણની, અવ્યાબાધ સુખગુણની, અરૂપીપણાની અગુરુલઘુપણાની એમ અનંતા અનંતા ગુણરૂપ ધર્મોની તમારામાં છતી છે એટલે કે વિદ્યમાનતા છે. આવા અનંત ગુણો આપશ્રીમાં વિદ્યમાન છે.
તથા ક્ષાયિકભાવના પોતાના શુદ્ધ ગુણોમાં પ્રતિસમયે પરિણમવા પણું એટલે કે સ્વગુણ-પર્યાયની પરિણતિમાં પરિણામ પામવા પણું પણ આપશ્રીમાં પ્રતિસમયે અનંતુ છે. તથા આપશ્રીનું આત્મદ્રવ્ય પ્રતિસમયે ઉત્પાદ વ્યય અને ધ્રુવપણે પરિણામ પામ્યા જ કરે છે.
તથા ક્ષાયિકભાવે પ્રગટ થયેલા ગુણોમાં ષદ્ગુણહાનિ-વૃદ્ધિરૂપે પણ પરિણામ પામ્યા કરો છો. તથા જ્ઞાનાદિ ગુણ પર્યાયોની વર્તના પણ આપશ્રીમાં અનંતી છે પોતપોતાના કાર્યનું કરવાપણું એટલે કે કર્તાપણું પણ અનંતુ છે. જ્ઞાનગુણ વડે જાણવાપણું. દર્શનગુણવડે દેખવાપણું ચારિત્રગુણમાં રમણતા કરવાપણું આમ કર્તાપણું પણ અનંતું છે.
તથા સર્વ ગુણોને પ્રગટપણે અનુભવવા રૂપે ભોક્તાપણું પણ અનંતું છે. આ પ્રમાણે આપશ્રીમાં સર્વ ગુણો પોત પોતાની વર્તનાએ વર્તતા છતા પોતપોતાના નિયત કાર્યને અવશ્ય કરે જ છે જેમ સર્વગુણોની વર્તના છે. તેમ સર્વગુણો પોતપોતાના નિયત કાર્યને કરે
