________________
શ્રી દેવચંદ્રજી કૃત ચોવીશી ભાગ ૨ આવા આવા ગુણોવાળા શ્રી અરનાથ પરમાત્મા છે. એ જ પરમ નિમિત્ત કારણ છે.
તેહનું અવલંબન લઈએ તો પોતાનું કેવળજ્ઞાન ઉઘડે પોતાનું કલ્યાણ કરવામાં આ વીતરાગ પરમાત્મા જ પ્રધાનતમ કારણ છે. તેમના ઉપરના હાર્દિક ભાવમાં અને બહુમાનના ભાવમાં જ વર્તવું. તેમના પ્રત્યેના અહોભાવ રૂપ નિમિત્તકારણથી આ જીવ સિદ્ધ બુદ્ધ અને મુક્ત થાય આ પ્રમાણે આગમશાસ્ત્રોમાં કહ્યું છે ભૂતકાળમાં અનેકજીવો આ રીતે તર્યા છે અને ભવિષ્યમાં પણ અનેક જીવો આ જ માર્ગ તરશે. આ પ્રમાણે આપણા આત્માનું કલ્યાણ કરવામાં પણ આ જ પરમાત્મા પરમ નિમિત્તકારણ છે. તેઓનું આલંબન લઈને આત્મકલ્યાણ કરીએ. | ૧૨
પુષ્ટ હેતુ અરનાથ, તેહને ગુણથી હલીયે ! રીઝ ભક્તિ બહુમાન, ભોગધ્યાનથી મલીયે ll૧૩
ગાથાર્થ - શ્રી અરનાથ પરમાત્મા એ પુષ્ટ (પ્રબળ) આલંબન છે. તેમના ગુણોની સાથે એકાકાર થઈએ. તેમના ઉપર રાગી થઈને ભક્તિ-બહુમાન કરવા પૂર્વક ગુણોનો અનુભવ કરવા દ્વારા ધ્યાનથી તેમની સાથે જોડાઈએ તો આપણું અવશ્ય કલ્યાણ થાય જ. I૧all
વિશેષાર્થ:- ઉપર વર્ણવેલી રીત પ્રમાણે શ્રી અરનાથ પરમાત્મા એ આપણા કલ્યાણનું પુષ્ટ કારણ છે. પ્રબળ નિમિત્તકારણ છે. ઉત્તમ અને પ્રબળ નિમિત્ત મળે તો આ આત્માનું જલ્દી જલ્દી કલ્યાણ થાય. - પરમાત્માનાં અનુપમ એવા કેવલજ્ઞાન, કેવળદર્શન તથા અવ્યાબાધ સુખ અને અક્ષયસ્થિતિ ઈત્યાદિ અનુપમ અને અમાપ ગુણો ભરેલા છે તે ગુણોની સાથે આપણે આપણો આત્મા જોડીએ.
