________________
વાસ્તવિકપણે બન્ને ગ્રંથો આ આત્માનું હિત-કલ્યાણ કરનારા છે. તેથી ઘણા મનન-ચિંતનપૂર્વક વારંવાર વાંચવા જેવા છે. એકમાં પોતાના શુદ્ધ ગુણો પ્રગટ કરવાનો ઉપદેશ છે અને બીજામાં પૌદ્ગલિક ભાવોનો એટલે બાધક ભાવોનો મોહ ત્યજવાનું સમજાવેલ છે. અમે અમારા ક્ષયોપશમ પ્રમાણે તેના અર્થ લખ્યા છે. વારંવાર આવા ગ્રન્થો વાંચવા જેવા તથા મનન કરવા જેવા છે. પૂજ્ય ચિદાનંદજી મહારાજશ્રીએ મધુર વાણીમાં ઘણી ઘણી આત્મહિત શિક્ષા આ ગ્રંથમાં આપી છે. તેઓશ્રી તો આવા ગ્રંથો બનાવી ગયા. હવે આપણે સતત તેવા ગ્રન્થનો અભ્યાસ કરીએ અને આ આત્માને મોહના અંધકારથી દૂર કરીને આત્મકલ્યાણ સાધીએ એ જ આશા સાથે.
ફોનઃ (૦૨૬૧) ૨૭૬૩૦૭૦ મો. : ૯૮૯૮૩૩૦૮૩૫
-ધીરજલાલ ડાહ્યાલાલ મહેતા એ-૬૦૨, પાર્થદર્શન કોમ્લેક્ષ, નવયુગ કોલેજ સામે, રાંદેર રોડ, મું. સુરત (દક્ષિણ ગુજરાત)
