________________
પ્ર વીસ્તાન વરાળના
અનંત ઉપકારી પરમાત્મા શ્રી વીતરાગ દેવે કેવળજ્ઞાન પ્રાપ્ત કર્યા પછી તીર્થંકર નામકર્મના ઉદયના કારણે ભવ્ય જીવોના આત્મકલ્યાણને કરનારી ઉત્તમ એવી ધર્મદેશના આપી. તે સાંભળ્યા પછી તેમાં જીવો બે ભાગમાં વહેચાયા. કેટલાકે પરમાત્માની વાત સંપૂર્ણ સાચી માનીને હૃદયના ભાવપૂર્વક સ્વીકાર કર્યો અને પરમાત્માના માર્ગને અનુસરનારા થયા. તથા બીજા કેટલાક જીવો મિથ્યાત્વમોહના ઉદયના કારણે પરમાત્માની કોઈક કોઈક વાત ન સ્વીકારતાં નિનવ રૂપે બન્યા.
વાસ્તવિકપણે વીતરાગ પરમાત્માની વાણી સાધક-બાધક સ્વરૂપને સમજાવનારી હોય છે. જે જે માર્ગો આત્માના શુદ્ધ સ્વરૂપના સાધક છે. તેનો સ્વીકાર કરીને આત્મકલ્યાણ કરવા માટે તે ઉપકારી છે. આમ સમજાવનારી આ વાણી છે તથા જે જે માર્ગો આત્માના શુદ્ધ સ્વરૂપના બાધક તત્ત્વો છે. તેનો ત્યાગ કરીને અર્થાત્ તેનાથી દૂર રહીને આત્મકલ્યાણ કરવા માટે તે બાધકનો ત્યાગ કરવો તે પણ ઉપકારી માર્ગ છે. ઉપાદેયનો સ્વીકાર કરવો તે જેમ ઉપકારક છે. તેમ હેયનો ત્યાગ કરવો તે પણ એટલું જ ઉપકારી તત્ત્વછે.
અધ્યાત્મ ગીતા નામના નાનકડા ગ્રંથમાં પૂજ્ય શ્રી દેવચંદ્રજી મહારાજશ્રીએ આત્માના શુદ્ધ સ્વરૂપના સાધક માર્ગો જણાવ્યા છે. તેવી જ રીતે પૂજ્ય શ્રી ચિદાનંદજી મહારાજશ્રીએ આ પુદ્ગલ ગીતા નામના ગ્રંથમાં બાધક સ્વરૂપ ન રાખવા માટેની હિત શિક્ષા સમજાવી છે.
