________________
२७१ .
कत्थ अम्हारिसा पाणी, दूसमादोसदूसिआ । हा अणाहा कहं हुंता, न हुतो जइ जिणागमो ।। ३४ ।। आगमं आयरंतेणं, अत्तणो हियकंखिणा । तित्थनाहो गुरू धम्मो, सव्वे ते बहुमन्निया ।। ३५ ।। सुहसीलाओ सच्छंदचारिणो वेरिणो सिवपहस्स । आणाभट्ठाओ बहुजणाओ मा भणह संघु त्ति ।। ३६ ।। एगो साहू एगा य, साहुणी सावओ वि सड्डी वा । आणाजुत्तो संघो, सेसो पुण अट्ठिसंघाओ ।। ३७ ।। निम्मलनाणपहाणो, दंसणजुत्तो चरित्तगुणवंतो । तित्थयराण य पुजो, वुच्चइ एयारिसो संघो ।। ३८ ।। जह तुसखंडणमयमंडणाणि रुझ्याणि सुन्नरन्नम्मि । विहलाई तह जाणसु, आणारहियं अणुट्ठाणं ।। ३९ ।। आणाइ तवो आणाइ, संजमो तह य दाणमाणाए । आणारहिओ धम्मो, पलालपुल्लू व पडिहाइ ।। ४० ।। आणाखंडणकारी, जइवि तिकालं महाविभूईए । पूएइ वीयरायं, सव्वंपि निरत्थयं तस्स ।। ४१ ।। रन्नो आणाभंगे, इकु च्चिय होइ निग्गहो लोए । सव्वन्नुआणभंगे, अणंतसो निग्गहो होइ ।। ४२ ।।
