________________
૨૬૪
अधुवं जीविअं नच्चा, सिद्धिमग्गं विआणिआ । विणिअट्टिज्ज भोगेसु, आउं परिमिअमप्पणो ॥ ७७ ॥ सिवमग्गसंठिआण वि, जह दुज्जेआ जिआण पण विसया । तह अन्नं किंपि जए, दुज्जेअं नत्थि सयले वि ॥ ७८ ॥ सविडम् कुब्भडरूवा, दिट्ठा मोहेइ जा मणं इत्थी । आयहियं चिंतंता, दूरयरेणं परिहरति ॥ ७९ ॥
सच्चं सुअं पि सीलं, विन्नाणं तह तवं पि वेरग्गं । वच्चइ खणेण सव्वं, विसयविसेणं जईणं पि ॥ ८० ॥ रे जीव ! मइविगप्पियनिमेससुहलालसो कहं मूढ ! | सासयसुहमसमतमं, हारिसि ससिसोअरं च जसं ॥ ८१ ॥ पज्जलिओ विसयग्गी, चरित्तसारं डहिज्ज कसिणं पि । सम्मत्तं पि विराहिअ, अनंतसंसारिअं कुज्जा ॥ ८२ ॥ भीसणभवकंतारे, विसमा जीवाण विसयतिण्हाओ । जीए नडिया चउदसपुव्वीवि रुलंति हु निगोए ॥ ८३ ॥ हा विसमा हा विसमा, विसया जीवाण जेहिं पडिबद्धा । हिंडंति भवसमुद्दे, अणंतदुक्खाइं पावंता ॥ ८४ ॥ माइंदजालचवला, विसया जीवाण विज्जुते असमा । खदिट्ठा खणनट्टा, ता तेसिं को हु पडिबंधो ॥ ८५ ॥
