________________
२९७
10
[सू० १५८] वासुदेव-बलदेवादिनामानि ।
२९७ संभूत सुभद्द सुदंसणे य सेयंस कण्ह गंगदत्ते य । सागर समुद्दनामे दुमसेणे य णवमए ॥१३३।। एते धम्मायरिया कित्तीपुरिसाण वासुदेवाणं । पुव्वभवे आसिण्हं जत्थ निदाणाई कासी य ॥१३४।। एतेसिं णं णवण्हं वासुदेवाणं पुव्वभवे णव णिदाणभूमीतो होत्था, तंजहा- 5 महरा जाव हत्थिणपुरं च ॥१३५।। एतेसि णं णवण्हं वासुदेवाणं नव णिदाणकारणा होत्था, तंजहागावी जुए जाव मातुका ति य ॥१३६।। एतेसि णं णवण्हं वासुदेवाणं णव पडिसत्तू होत्था, तंजहाअस्सग्गीवे जाव जरासंधे ॥१३७।। एते खलु पडिसत्तू जाव सचक्केहिं ॥१३८॥ एक्को य सत्तमाए पंच य छट्ठीए पंचमा एक्को । एक्को य चउत्थीए कण्हो पुण तच्चपुढवीए ॥१३९।। अणिदाणकडा रामा० [सव्वे वि य केसवा नियाणकडा । उटुंगामी रामा केसव सव्वे अहोगामी ॥१४०॥] गाहा । अटुंतकडा रामा, एगो पुण बंभलोयकप्पम्मि । एक्का से गब्भवसही, सिज्झिस्सति आगमिस्सेणं ॥१४१॥
जंबुद्दीवे णं दीवे एरवते वासे इमीसे ओसप्पिणीए चउवीसं तित्थगरा होत्था, तंजहा
चंदाणणं सुचंदं च अग्गिसेणं च नंदिसेणं च । इसिदिण्णं वयहारिं वंदिमो सामचंदं च ॥१४२॥ वंदामि जुत्तिसेणं अजितसेणं तहेव सिवसेणं । बुद्धं च देवसम्म सययं निक्खित्तसत्थं च ॥१४३।। अस्संजलं जिणवसभं वंदे य अणंतई अमियणाणिं । उवसंतं च धुयरयं वंदे खलु गुत्तिसेणं च ॥१४४।।
15
20
25
