________________
છતી શક્તિએ જ્ઞાનદ્રવ્યની સંભાળ ન કરી. કોઈ જ્ઞાનવંતની અવજ્ઞા-આશાતના-અપમાન-નિંદા કરી, તેની ઉપર દ્વેષ રાખ્યો, તેની અદેખાઈ(ઈર્ષા) કરી, અસહનશીલતા દાખવી. અન્ય કોઈને ભણવા - ગણવામાં સહાય કરવાને બદલે ઊલટો અંતરાય કર્યો. પોતે થોડો ઘણો અભ્યાસ કર્યો હોય તો તે સંબંધી અભિમાન કર્યું. પાંચ જ્ઞાન સંબંધી શાસ્ત્રમાં જે કાંઈ વર્ણન આવે છે તે સહ્યું નહીં, તેમાં કહ્યા કરતાં વિપરીત પ્રરૂપણા કરી, તે એ રીતે કે “શાસ્ત્રમાં તો આમ કહ્યું છે પણ મને તે ઠીક લાગતું નથી, તે આ પ્રમાણે જોઈએ.” આ પણ એક જાતનો જ્ઞાનીનો અનાદર-અવિશ્વાસ છે. કોઈને તોતડો કે બોબડો જોઈને તેની હાંસી કરી - મશ્કરી કરી, તેને માટે ખોટા ખોટા તર્કો કર્યા. ઈત્યાદિ અનેક પ્રકારે જ્ઞાનાચારને લગતા જે કોઈ દોષ લગાડ્યા હોય તે સંબંધી લાગેલ પાપ – થયેલ કર્મબંધને માટે મન - વચન - કાયાથી મિચ્છા દુક્કડં આપું છું. ઇતિ જ્ઞાનાચાર સંબંધી અતિચારાર્થ.
૨૨
