________________
થઈ શકે. આઠ પ્રસ્તાવ સ્વરૂપ આ ગ્રંથ કુલ ૧૬૦૦૦ શ્લોક પ્રમાણ છે અને તેમાં કુલ ૨૦૦૦ થી વધુ પાત્રો છે. દરેક પાત્રના ઓછામાં ઓછા બે અર્થ અને તેનું અનુસંધાન બરાબરા જળવાઈ રહે તેવી રીતે કથા કહેવી એ લોઢાના ચણા ચાવવા જેવું પરું કામ હતું, પણ પ્રભુકૃપાએ આ કામ કરવાની મને હિંમત આપી. આ ગ્રંથની શિબિર યોજી તેમાં ૨૫૦ થી વધુ જિજ્ઞાસુઓએ લાભ લીધો. બધાને આ કથા ખૂબ જ ગમી. પછી તો દર વર્ષે આ શિબિરનું આયોજન થવા લાગ્યું. સ્મિતાબેન પણ આ શિબિરમાં આવ્યા હતા. તેમને કથા ગમી ગઈ અને નોંધ કરવા લાગ્યા. તે નોંધોનો આધાર લઈ તેમણે મૂળગ્રંથ અને સારોદ્વારાના આધારે કથામાં પ્રવેશ કરી શકાય તે માટે કથાને સરળ ભાષામાં લખી તૈયાર કરી. શિબિર પૂર્ણ થયા પછી થોડા દિવસો બાદ તેમણે મને તેમનું લખાણ વાંચવા આપ્યું. ખૂબ જ મહેનત કરી હોય તેવું જણાયું. આધોપાન્ત વાંચી ગયો. જરૂરી ફેરફારો સૂચવ્યા. સૂચનો પ્રમાણે યોગ્ય સુધારાવધારા કર્યા. આજે આ કથાનો સાર જિજ્ઞાસુઓ સુધી પહોંચે તેવી કલ્યાણકારી ભાવનાથી પુસ્તકરૂપે પ્રગટ થઈ રહ્યો છે. સ્મિતાબેને ખૂબ મહેનત કરી છે તેમને ખૂબ ખૂબ અભિનંદન. આ પુસ્તિકા જિજ્ઞાસુઓએ મૂળ ઉપમિતિ ભવપ્રપંચા કથાના ભાવો સમજવા ઉપયોગી થશે અને મૂળ ગ્રંથ વાંચવાની ભાવનાને વધુ પ્રબળ બનાવશે તેની આશા સાથે આ પુસ્તિકા પ્રગટ થઈ રહી છે. ધન્યવાદ !
—
શ્રી જિતેન્દ્ર બી. શાહ એલ.ડી. ઈન્ડોલોજી
