________________
38
ઉપમિતિ ભવપ્રપંચા કથા કરવાની શક્તિને ધારણ કરાવનારી છે. જો તેની સાથે કુમારનું લગ્ન થાય તો હિંસાની અસર જાય. પછી તેમ પણ કહ્યું કે આ બધા અંતરંગ રાજ્યનાં પાત્રો છે, લગ્ન તો કર્મપરિણામ રાજાની કૃપા થશે ત્યારે જ શક્ય બનશે. રાજા કમને જે થાય તે જોયા કરવાની સલાહ માન્ય કરે છે.
યુવાવસ્થા પામેલા નંદિવર્ધન કુમારે પધરાજાને યુવરાજપદે સ્થાપવાનો નિર્ણય કર્યો. એ અવસરે શાર્દુલપુરના રાજાનો દૂત રાજાની કુંવરીનું માગું લઈને આવ્યો. રાજાએ સ્વીકાર કર્યો. એટલામાં નંદિવર્ધન કુમાર અને સ્ફુટવચન દૂત વચ્ચે જયસ્થળ અને શાર્દુલપુરની લંબાઈ
વિશે વાત થઈ.
બંનેની ચર્ચામાં નંદિવર્ધને અતિફોધમાં આવીને તેનું માથું ઉડાવી દીધું. તે વખતે તેનો મિત્ર પુણ્યોદય રિસાઈને ચાલ્યો ગયો હતો અને ક્રોધની અસર રોમે રોમમાં થઈ હતી. દૂત પર ઘા કરતો જોઈ પિતા વચમાં આવ્યા એટલે એ જ તલવારથી પિતાનો નાશ કર્યો. રાણી (માતા) વચમાં પડતા તેને પણ મારી નાખી.પોતાની પત્ની કનકમંજરી કંઈક કહેવા લાગી તો તેનું પણ ખૂન કર્યું. રાજ્યાભિષેકની જગ્યાએ અને ખૂનો થયાં. લોકોએ બંધનો બાંધી કેદખાનામાં નાખ્યો. ત્યાં એક મહિનો ભૂખ્યો-તરસ્યો પડી રહ્યો. આખરે ઉંદરોએ તેના બંધનો કાપી નાખ્યાં. રાત્રિના સમયે તે છૂટો થયો. લોકો અને ચોકીદારો નિંદ્રામાં પડ્યા હતા, તે વખતે તેણે બહાર નીકળીને, આખા ગામને જ્યાંત્યાં આગ લગાડી. આમ ક્રોધીની મદદથી પોતાનું વેર વાળીને લોકોના
આક્રંદ સાંભળતો ત્યાંથી નાસી ગયો.
રસ્તામાં અનેક સ્થળે પરિચિતો મળ્યા અને તેની આ પરિસ્થિઈતનું કારણ પૂછ્યું. તે બધાને મારતો મારતો આગળ વધ્યો. ક્રોધના લીધે આમ કરવાથી એક ઓળખીતો પલ્લીપતિ વીરસેન મળ્યો.
