________________
: ૩૬૮ :
અતીત અનાગત, વર્તમાનના ભાવેને જાણનારા છે, આપની આગળ તે આ થોડું જ છે?
ખરેખર તેઓ મહાસત્વશાલી છે. તેઓ ધન્યવાદને પાત્ર છે. કે જેઓ આપના ચરણ કમલના દર્શનથી પ્રમોદભાવની અનુભૂતિ કરે છે. વળી તે દશગણધરે પણ મહાભાગ્યશાલી છે કે, જેઓ પ્રતિદિન સમગ્ર સંશય હારિણી આપના મુખકમલમાંથી નીકળતી અમૃતતુલ્ય ધર્મવાણીનું શ્રવણ કરે છે. તેઓના જીવનને પણ ધન્ય છે કે તેમણે પોતાના જીવનને સફળ બનાવ્યું. મનુષ્ય જન્મને વિશિષ્ટ જ્ઞાન પ્રાપ્તિ દ્વારા સફલા કર્યો. વળી નાથ ! તારી આજ્ઞાને મસ્તકે ચઢાવનાર ત્રિભુવનને પૂજનીય બને છે. અને પુણ્યશાળી જીવો તારા ચરણકમલની સેવા કરી સુખપૂર્વક દિવસ પસાર કરે છે.
તે ધન્ય! મહાભાગ્યશાલી ! મહાસત્વશાલી ! કે જેઓ તારા ચરણપંકજની ઉપાસના દ્વારા શ્રેષ્ઠ ગણધર પદવી વર્યા ! જયારે અમારા જેવા પામર જી આશારૂપી તૃષ્ણામાં ફસાએલા રહે છે. તુચ્છ રાજ્યકાર્યમાં સદા ઉદ્યમી, સંતાપકારી, બંધનભૂત ગૃહવાસમાં પણ બધુપણાની બુદ્ધિ ધરાવતા અમારું જીવન નિરર્થક છે.
હે નાથ ! આવા જીવિતનું ફળ દુર્ગતિ જ છે. હે નાથ ! વળી ગૃહવાસને તિલાંજલી દઈ તુજ ચરણ કમલની સેવા કરી શકતા નથી, પણ વાત્સલ્યનિધિ કૃપા સાગર સદા કૃપાદ્રષ્ટિ વર્ષાવજે. અમારે પણ ઉદ્ધાર કરજો એમ કહી અશ્વસેન મહારાજા વિરામ પામ્યા.
–સંપૂર્ણ –
