________________
શ્રી દેવભદ્રસૂરિજી મહારાજે “સિરિ તારના રારિ' નામે એક ચરિત્ર-ગ્રંથ રચ્યો છે. આમાં શ્રી પાર્શ્વનાથ પ્રભુના જીવન ઉપરાંત પ્રભુના ૧૦ ગણધરની જીવનકથા પણ પ્રાકૃત ભાષામાં વિસ્તૃત રીતે આલેખવામાં આવી છે. આ ચરિત્ર ગ્રંથના આધારે “જાતિમરણ વીણા વાગે એના નાદે આતમ જાગેનું આલેખન કરવાને શુભ પ્રયાસ સાધ્વીજી શ્રી સૌમ્યજ્યોતિશ્રીએ કર્યો છે.
પરમ પૂજ્ય સુપ્રસિદ્ધ પ્રવચનકાર સાહિત્યકાર આચાર્યદેવ શ્રીમદ્ વિજયકનકચંદ્રસૂરીશ્વરજી મહારાજની પ્રેરણા પામીને સાધ્વીજી શ્રી હર્ષપૂર્ણાશ્રીજી અને સાધ્વીજી શ્રી જયપ્રજ્ઞાશ્રીજીની ગુરુનિશ્રામાં ગણધરની જીવનકથાને “શ્રીપાસનાહ ચરિયંને નજર સમક્ષ રાખીને લખવાનો પ્રયાસ એ રીતે થયો છે કે, જેથી પાસના ચરિયની કથાવસ્તુને ગુજરાતીમાં સહેલાઈથી સમજી શકાય. પૂજ્ય આચાર્ય દેવશ્રીના શિષ્યરત્ન પૂ. ઉપાધ્યાયજી મહારાજ શ્રી મહિમાવિજયજી ગણિવરની પ્રેરણાથી આ પુસ્તક શ્રી વિશ્વમંગલ પ્રકાશન મંદિર પાટણ, દ્વારા પ્રસિદ્ધ થઈ રહ્યું છે, જેથી ચરિત્ર-ગ્રંથોના અનુવાદ-ભાવાનુવાદના સાહિત્યમાં એક સુંદર ગ્રંથની અભિવૃદ્ધિ કરવા સંસ્થા સૌભાગી બની છે, એમ નિ શક કહી શકાય.
“જાતિસ્મરણ વીણા વાગે, એના નાદે આતમ જાગે”માં શબ્દસ્થ થયેલી ગણધર-કથાઓના વાચન દ્વારા ભવથી ભીતિ, સુખથી વિરતિ, પ્રભુથી પ્રીતિ અને ધર્મમાં ધૃતિ પામવાનું બળ મેળવવા સૌ કેઈ સમર્થ બને એજ કલ્યાણકામના.
આધિનસ્ય પ્રથમ દિવસે
પન્નારૂપા યાત્રિકગૃહ, પાલિતાણ, તા. ૨૬-૯-૮૪)
મુનિપૂણચન્દ્રવિજય
