________________
ରହିଥାଏ ଏଠାକାର କୋର୍ଟର ନ୍ୟାୟରେ ପାତର-ଅନ୍ତର ହୋଇପାରେ, ଭୁଲ୍ ହୋଇପାରେ କିନ୍ତୁ ପ୍ରକୃତିର ନ୍ୟାୟରେ କେବେ ମଧ୍ୟ କୌଣସି ଭୁଲ୍ ହୁଏ ନାହିଁ । । ଗୋଟିଏ ମୁହୁର୍ତ୍ତି ପାଇଁ ମଧ୍ୟ ନ୍ୟାୟରେ ପାତର-ଅନ୍ତର ହୁଏ ନାହିଁ । ଯଦି ଅନ୍ୟାୟୀ ହୁଅନ୍ତା ତେବେ କେହି ମୋକ୍ଷ ପାଆନ୍ତେ ନାହିଁ । କୁହନ୍ତି ଯେ ଭଲ ଲୋକମାନେ ହଇରାଣ କାହିଁକି ହୁଅନ୍ତି ? କିନ୍ତୁ ଲୋକମାନେ ଏପରି କୌଣସି ସମସ୍ୟା ସୃଷ୍ଟି କରିପାରିବେ ନାହିଁ । କାରଣ ଯଦି ନିଜେ କୌଣସି କଥାରେ ହସ୍ତକ୍ଷେପ ନ କର, ତେବେ ଏପରି କୌଣସି ଶକ୍ତି ନାହିଁ ଯିଏ ତୁମର ନାମ ନେଇପାରିବ । ନିଜେ ହସ୍ତକ୍ଷେପ କରିଥିବାରୁ ଏହିସବୁ ସମସ୍ୟା ସୃଷ୍ଟି ହୋଇଛି ।
ଜଗତ ନ୍ୟାୟ ସ୍ଵରୁପ ଅଟେ
ଏହି ଜଗତ ଗୋଟିଏ କାହାଣୀ ନୁହେଁ । ଜଗତ ନ୍ୟାୟ ସ୍ବରୂପ ଅଟେ । ପ୍ରକୃତି କେବେ ମଧ୍ୟ ଅନ୍ୟାୟ କରିନାହିଁ । ପ୍ରକୃତି କେଉଁଠାରେ କାହାକୁ ଖଣ୍ଡିଆ କରି ଦିଏ ବା ଏକ୍ସିଡେଣ୍ଟ ହୋଇଯାଏ, ଏସବୁ ନ୍ୟାୟ ସ୍ଵରୂପ ଅଟେ । ପ୍ରକୃତି କେବେ ମଧ୍ୟ ନ୍ୟାୟ ବାହାରକୁ ଯାଇନାହିଁ । ଏ ସମସ୍ତେ ଅକାରଣରେ କିଛି ନ ବୁଝି ଯାହା ଇଛା ତାହା କୁହନ୍ତି ଆଉ ଜୀବନ ବଞ୍ଚିବାର କଳା ମଧ୍ୟ ଜଣାନାହିଁ, ଏଣୁ ଚିନ୍ତା ହିଁ ଚିନ୍ତା । ଏଣୁ ଯାହା ହେଉଛି ତାହାକୁ ନ୍ୟାୟ କୁହ ।
‘ଯାହା ହେଲା ତାହା ନ୍ୟାୟ’ ବୁଝିଗଲେ ସଂସାର ପାରିହୋଇଯିବ। ଏହି ଦୁନିଆରେ ଗୋଟିଏ ସେକେଣ୍ଡ ମଧ୍ୟ ଅନ୍ୟାୟ ହୁଏ ନାହିଁ । ସର୍ବଦା ନ୍ୟାୟ ହେଉଛି । କିନ୍ତୁ ବୁଦ୍ଧି ଆମକୁ ଫସାଇ ଦିଏ ଯେ ଏହାକୁ ନ୍ୟାୟ କିପରି କହିପାରିବା ? ଏଣୁ ମୁଁ ମୂଳ କଥାଟି କହିବାକୁ ଚାହୁଁଛି ଯେ ଏହା ପ୍ରକୃତିର ଏବଂ ବୁଦ୍ଧିରୁ ତୁମେ ଅଲଗା ହୋଇଯାଅ । ବୁଦ୍ଧି ଏଥିରେ ଫସାଇ ଦିଏ।
