________________
એમાં એકવાર શાંતિનિકેતનના જ પ્રસિદ્ધ વિદ્યાગુરુ ગુરુદયાળ મલ્લિક મળ્યા. વિદ્યાર્થીએ ઑટગ્રાફ-બુક તેમની સામે ધરી. મલ્લિકે લખ્યું : Know thy self. (તારી જાતને ઓળખ.) નીચે પોતાના હસ્તાક્ષર કર્યા.
બે-ત્રણ દિવસ પછી ટાગોર મળી જતાં વિદ્યાર્થીએ તેમની સામે ઑટગ્રાફ-બુક ધરી. ટાગોરે ઉપરનું વાક્ય વાંચ્યું અને નીચે લખ્યું : Forget thy self. (તારી જાતને ભૂલી જા.)
મઝાની સાધના પદ્ધતિ થઈ ગઈ. પોતાને/આત્મતત્ત્વને જાણવાનું, અનુભવવાનું એ લક્ષ્ય સાધકનું. પણ એ માટેનો માર્ગ કયો ? વૈભાવિક સ્વરૂપને ભૂલી જવું તે.
વિદ્વર્ય આચાર્યશ્રી રત્નસુન્દરસૂરિજી સુરતથી ઝઘડિયા તીર્થ બાજુ જવાના હતા. તડકેશ્વર ગામના લોકોને ખ્યાલ આવ્યો. તેઓ વિનંતી કરવા આવ્યા કે અમારે ગામ અચૂક પધારો. હિન્દુ ભાઈઓ મોટી સંખ્યામાં વિનંતી કરવા આવેલા. કાર્યક્રમ નક્કી થયો. તે દિવસે સવારે આચાર્યશ્રી આઠ વાગ્યે આવી જવાના હતા. નવ વાગ્યે પ્રવચન રાખેલું.
જે દિવસે આચાર્યપ્રવરશ્રી તડકેશ્વર પધારવાના હતા, તેની આગળની સાંજે એક ગમખ્વાર ઘટના ઘટી. તડકેશ્વર ગામના ૧૮ થી ૨૦ યુવાનો તાપી નદીમાં હોડીમાં જતા'તા. હોડી ઊંધી વળતાં ઘણા યુવાનો ડૂબીને ખતમ થયા. તાપીની રેતમાં એ યુવાનોના મૃતદેહનો સામૂહિક અગ્નિસંસ્કાર થયો.
આચાર્યશ્રીને રાત્રે જ આ ઘટનાનો ખ્યાલ આવી ગયો. કાર્યક્રમ પ્રમાણે તેઓ તડકેશ્વર આવી ગયા. પણ વિચાર્યું કે જે ગામના નવલોહિયા આટલા
સમાધિ શતક
*/'
૧૩૬
