________________
‘આત્માને વિષે સ્થિર થઈને......’
અહીં સ્વરૂપસ્થિતિ ભણી ઈશારો છે. શુદ્ધ આત્માનું સ્વરૂપ – અલિપ્ત, અખંડદશાનું જે છે - તે ભૂમિકા પર સ્થિર થઈને આત્માનુભૂતિ કરવી. અલિપ્ત અને અખંડ સ્વરૂપમાં પ્રવેશીને..
અખંડ સ્વરૂપ. વિકલ્પોને કારણે સાધકનું ચિત્ત ખંડિત બને છે. રતિભાવનો વિકલ્પ ઊઠ્યો અને ચિત્તમાં રતિની લહેરો ચાલી. થોડીવારમાં વિકલ્પોની દિશા બદલાઈ... અરતિભાવના વિકલ્પો ઊઠ્યા તો અરતિભાવની લહેરો ચાલશે.
આ ચિત્તની ખંડિત દશા વિકલ્પોને કારણે થાય છે. વિકલ્પો જેટલા ઓછા થતા જશે તેમ સાધક અખંડિત દશાનો અનુભવ કરતો જશે... આ થયું ‘આત્માને વિષે...’
આત્મા આત્મા વડે આત્માને વિષે આત્માને નિહાળે એનો વિસ્તૃત અર્થ આવો થયો : સાધકરૂપે પ્રતિષ્ઠિત થયેલ આત્મા સ્વગુણાનુભૂતિ વડે સ્વરૂપદશામાં સ્થિર થઈને શુદ્ધ આત્મદ્રવ્યનો અનુભવ કરે.
કૈટલી મઝાની આ યાત્રા !
આ પૃષ્ઠભૂ પર કડી ખોલીએ :
ભવિ શિવપદ દેઈ આપ્યું, આપહી સન્મુખ હોઈ;
તાતેં ગુરુ હૈ આતમા,
અપનો ઔર ન કોઈ.
સમાધિ શતક ૧૧૩
