________________
સરસ મઝાનો એનો અર્થવિસ્તાર છે ઃ સાધકરૂપે પ્રતિષ્ઠિત થયેલ આત્મા પોતાના શુદ્ધ આત્મતત્ત્વને નિહાળે. શેના વડે ? આત્મા વડે. ક્યાં રહીને જુએ ? આત્માને વિષે.
ત્રણ તબક્કા આ સૂત્રના થશે : (૧) સાધક તરીકે પ્રતિષ્ઠિત થયેલ આત્મા શુદ્ધ આત્મતત્ત્વને નિહાળે, (૨) આત્મા વડે નિહાળે અને (૩) આત્માને વિષે સ્થિર થઈને નિહાળે.
ક્રમશઃ ત્રણે ચરણો જોઈએ.
પહેલું ચરણ : સાધક તરીકે પ્રતિષ્ઠિત થયેલ આત્મા આત્મતત્ત્વને જુએ, અનુભવે.
:
સહુથી પહેલાં તો, આત્મતત્ત્વના જ્ઞાન/શ્રવણ દ્વારા એક અદમ્ય અભીપ્સા થશે : હું મારાથી અણજાણ ? એક પ્રશ્ન ઘમ્મરવલોણાની જેમ ભીતર ઘૂમરાશે : હું હું ન હોઉં તો શું હોઉં ? વાસ્તવમાં આનન્દઘન હું. અત્યારે છું હું પીડાઘન. હું આનંદઘન ક્યારે બનું ? ક્યારે ? ક્યા..રે ?
શુદ્ધ આત્મતત્ત્વની પ્રાપ્તિ માટેની સહુથી મોટી સજ્જતા આ છે ઃ એ
માટેની તીવ્ર અભીપ્સા.
:
એક રણઝણાટ... જેના અણસારે, અણસારે અદીઠ ભોમકાની યાત્રા માટે નીકળી પડાય.
હવે માર્ગની શોધ ચાલે છે. બીજા ચરણની શરૂઆત. આત્મા વડે આત્માને નિહાળવાનો. અહીં ‘આત્મા વડે’નો અર્થ છે સ્વગુણાનુભૂતિ વડે.
સમાધિ શતક
| ૧૧૦
