________________ પ્રસ્તાવના... તપાગચ્છના ગગનમંડપમાં આજ સુધીમાં અનેક વિવાદો થયા છે. તે પૈકીનો એક “તિથિનો વિવાદ છે. હાલ એ અંગે એકદમ શાંત વાતાવરણ છે. બંને પક્ષ પોતપોતાની રીતે શાંતિથી આરાધના કરી રહ્યા છે. છેલ્લા કેટલાક વર્ષોની જેમ આ વખતે પણ એક ચોક્કસ વર્ગ તરફથી જુદી શૈલીથી તિથિનો મુદ્દો ‘મિથ્યાત્વ એટલે... પુસ્તકમાં ચર્ચવામાં આવ્યો છે. આમ તો એ પુસ્તકમાં તિથિની ખોટી આરાધના કરનારને મિથ્યાત્વી કહેવાય કે નહીં? આ મુદ્દાને મુખ્ય બનાવ્યો છે. પરંતુ ટાર્ગેટ ‘તિથિ વિવાદ” ઉપર જ છે. - શ્રીસંઘ જોગ નિવેદન: શ્રીસંઘજનોને ખાસ જણાવવાનું કે, વર્તમાનના શાંત વાતાવરણમાં એક ચોક્કસ વર્ગ તરફથી કાંકરીચાળો કરવામાં આવ્યો છે અને તિથિના વિષયમાં નવા નવા મુદ્દાઓ-કુતર્કો ઊભા કરીને શ્રીસંઘજનોને ગુમરાહ કરવાની કોશિષ કરવામાં આવી છે. તેથી શાસ્ત્રીય સત્ય-હકીકતો શ્રીસંઘજનો સમક્ષ મૂકવાની અમને ફરજ પડી છે. અમને કોઈના માટે ફરિયાદ પણ નથી કે અમારે કોઈની સાથે વિવાદ પણ કરવો નથી. માત્ર શાસ્ત્રીય સત્યનો અવાજ દબાઈ ન જાય, એ જોવાની અમારી ફરજના એક ભાગ તરીકે જ શ્રીસંઘજનો સમક્ષ શાસ્ત્રપાઠો સાથે ઉપસ્થિત થયા છીએ. એક વાત ખાસ ઉલ્લેખનીય છે કે, તિથિનો વિવાદ સામાચારી (આચરણા) અંગેનો વિવાદ નથી. પરંતુ “મિ ના તિહિ.” અને “ક્ષ પૂર્વતિથિ-” આ બે શાસ્ત્રવચનોના અર્થઘટનનો વિવાદ છે. તે તે પર્વાદિ દિવસોએ કરાતી આરાધના એ આચરણાનો વિષય છે. પરંતુ આરાધના કયા દિવસે કરવી ? આને નક્કી કરી આપનારા પૂર્વનિર્દિષ્ટ શાસ્ત્રીય નિયમોના અર્થઘટનમાં ફેરફાર કરવો એ સૈદ્ધાંતિક વિવાદનો વિષય છે.
