________________ પરિશિષ્ટ - 1: અભિનિવેશની ભયંકરતા 143 રહેવાથી તે લાચાર બની ગયો. લોકોએ તેનો તિરસ્કાર કર્યો અને શરમનો માર્યો તે ત્યાંથી ભાગી ગયો. એટલે રોહગુપ્ત મુનિ પણ ગુરુ મહારાજની પાસે આવ્યા. ગુરુ ભગવંતે એને કઈ રીતે વાદમાં જીત્યા તે પૂછ્યું. ત્યારે તેણે આખો પ્રસંગ જણાવ્યો. જૈનશાસનનો વિજય થવાથી ગુરુ ભગવંતને આનંદ તો થયો. પરંતુ ખોટી રીતે ત્રણ રાશિનું સ્થાપન કર્યું તે ગમ્યું નહીં. આથી ગુરુ મહારાજે રોહગુપ્તને કહ્યું કે - “તમે જે જીવ-અજીવ અને નોજીવ, એમ ત્રણ રાશિ સ્થાપિત કરી, તે જૈનશાસનને માન્ય નથી. એ સ્થાપન કર્યું તે ઉત્સુત્ર છે. અજ્ઞાન લોકોની પાસે તત્ત્વનો વિવેક નથી. તેથી તે ખોટામાં શ્રદ્ધા કરીને હારશે. આથી તમારે રાજસભામાં જઈને ઉઘોષણા કરવી જોઈએ કે, જગતમાં ત્રણ રાશિ નથી, પરંતુ જીવ અને અજીવ, એમ બે જ રાશિ છે. જેથી જગતમાં ઉસૂત્રનો પ્રસાર ન થાય.” આમ છતાં રોહગુપ્ત પોતાના વાતની મમતે ચઢી ગયો. એણે ગુરુની વાત સાંભળી નહીં. ઉપદ્રવોથી બચવા વિદ્યા આપનારા ગુરુનો ઉપકાર પણ ભૂલી ગયો. ગુરુએ વારંવાર સમજાવ્યો છતાં પણ તે વાત તેણે ગણકારી જ નહીં અને ઉપરથી ગુરુને પણ એમ જ કહ્યું કે - “જગતમાં રાશિ ત્રણ જ છે.” - તે પોતે બોલેલી વાતના આગ્રહમાં એવો ફસાઈ ગયો કે તારક તીર્થકરો અને ગુરુના ઉપકારને પણ એ ભૂલી ગયો. આથી લોકમાં ત્રણ રાશિની ખોટી માન્યતા પ્રસ્થાપિત-પ્રચારિતપ્રસારિત ન થાય, એ માટે શ્રીગુપ્ત આચાર્ય ભગવંત જાતે જ રોહગુપ્તને લઈને રાજસભામાં ગયા અને ત્યાં જઈને રોહગુપ્ત સાથે તેમણે રાશિ સંબંધી વાદ શરૂ કર્યો. ઘણી યુક્તિઓથી બે રાશિની સ્થાપના કરી અને રાજસભામાં તેનો પરાજય થયો. આમ છતાં જ્યારે રોહગુપ્ત કોઈપણ ઉપાયે માન્યો નહીં, ત્યારે આચાર્ય ભગવંતે એને નિતવ તરીકે જાહેર
