________________
131 हिता कल्लं पाउप्पभायाए [जाव जलंते जेमेव मम अंतिए तेणेव हव्वमागए। - से नूणं खंदया ! अठे समठे ?” “हंता अत्थि । अहासुहं देवाणुप्पिया! मा पडिबंध करेह ।”
तए णं से खंदए अणगारे समणेणं भगवया महावीरेणं अब्भणुण्णाए समाणे हतु [ जाव ] हयहियए उठाए उद्रेइ २ समणं भगवं महावीरं तिक्खुत्तो आयाहिणपयाहिणं करेइ २ [जाव] नमंसित्ता सयभेव पंचमहवयाई आरुहेइ । २ ता समणे य समणीओ य खामेइ । २ ता तहास्वेहि थेरेहिं कडाईहि सद्धिं विउल पव्वयं सणियं सणिय दुरूहेइ, मेहघणसंणिगास देवसणिवायं पुढवीसिलावदृयं पडिलेहेइ । २ ता दम्भसंथारय संथरइ । २ ता पुरत्थाभिमुहे संपलियंकणिसण्णे करयलपरिग्गहियं दसणहं सिरसावत्तं मत्थए अंजलिं कट्ठ एवं वयासी । “ पुवि पि मए समणस्स भगवओ महावीरस्स अंतिए सव्वे पाणाइवाए पच्चक्खाए जावज्जीवाए [जाव] मिच्छादसणसल्ले पच्चक्खाए जावजीवाए। इयाणि पि य णं समणस्स भगवओ महावीरस्स अंतिए सव्वं पच्चक्खामि जावजीवाए (जाव] मिच्छादसणसल्लं पच्चक्खामि । एवं सव्वं असणं पाणं खाइम साइमं चउवि पि आहारं पच्चक्खामि जावज्जीवाए। जं पि य इम सरीरं कंतं पियं [जाव] फुसंतु।' त्ति कटु एयं पि णं चरिमेहिं उस्सासनीसासेहिं वोसिरामि ।” त्ति कट्ट संलेहणाझूसणाझूसिए भत्तपाणपडियाइक्खिए पायोवगए कालं अणवक्खमाणे विहरइ। तए णं से खंदए भणगारे समणस्स भगवओ महावीरस्स तहारूवाणं थेराणं अंतिए सामाइयमाझ्याई एक्कारस अंगाई अहिज्जित्ता बहुपडिपुण्णाई दुवालसवासाइं सामण्णपरियाग पाउणित्ता मासियाए संलेहणाए अप्पाणं :झुसित्ता सष्टिं भत्ताई अणसणाए छेदित्ता आलोइयपडिक्कंते समाहिपत्ते आणुपुवीए कालगए।
तए णं थेरा भंगवतं खंदयं अणगारं कालगय जाणित्ता परिणिव्वागवत्तियं काउस्सग्गं करेंति । २ सा पत्तचीवराई गिण्हंति । २ त्ता विउलामो
