________________
આ પ્રમાણે ધ્યાન ધરતો એવો સમાધિવંત પુરુષ અલ્પ કાળ સુધી નિદ્રા કરે. બુદ્ધિમાને ક્યારે પણ ધાર્મિક પર્વના દિવસોમાં વિષયભોગ ભોગવવા નહિ ૨૦
ક્યારે પણ પંડિત પુરુષે ઘણો કાળ સુધી નિદ્રાનું સેવન ન કરવું, ઘણી ઊંઘ કરવાથી તે ધર્મ, અર્થ અને કામ (સુખ)નો નાશ કરે છે. ૨૧
અલ્પ આહારવાળો, અલ્પ નિદ્રાવાળો, અલ્પ આરંભ સમારંભવાળો અને અલ્પ પરિગ્રહવાળો તેમજ અલ્પ કષાયવાળો જે હોય તે થોડો સમય જ સંસારમાં ભ્રમણ કરનારો છે એમ જાણવું ૨૨
-
નિદ્રા, આહાર, ભય, સ્નેહ, લજ્જા, કામ, કજીયો અને ક્રોધ આટલી વસ્તુઓની માત્રા જેટલી વધારો તેટલી તે વધે છે. ૨૩
વિઘ્નનાં સમૂહરૂપી વેલડીને છેદવા તીક્ષ્ણ ધારવાળા ચક્ર સમાન શ્રીનેમિનાથ પ્રભુને મનમાં સ્મરણ કરતો માણસ ક્યારેય નિદાકાળમાં ખરાબ સ્વપ્નોથી પરાભવ પામતો નથી (ઘબરાતો નથી). ૨૪
શ્રીઅશ્વસેન મહારાજા અને શ્રીવામાદેવીના સુપુત્ર એવા શ્રીપાર્શ્વનાથ પ્રભુને હંમેશા સ્મરણ કરનારો ખરાબ સ્વપ્નોને દેખતો નથી. ૨૫
શ્રીલક્ષ્મણા રાણી તથા શ્રીમહસેન મહારાજાના સુપુત્ર એવા શ્રીચંદ્રપ્રભસ્વામીને ચિત્તમાં સ્મરણ કરનારો સુખપૂર્વક નિદ્રાને પામે છે. ૨૬
સર્વ વિઘ્નરૂપી સર્પને માટે ગરૂડ જેવા, શ્રેષ્ઠ એવી સઘળીય સિદ્ધિઓને આપનારા એવા શ્રીશાંતિનાથ જિનેશ્વરનું ધ્યાન ધરતો માણસ ચોરાદિથી ભય પામતો નથી. ૨૭
આ રીતે શ્રાવક વર્ગમાં ઉત્તમ સંતોષ કરનાર, દિનસંબંધિ સઘળાય વિધિને જાણીને તે નૃત્યને કરનાર, તેમજ પોતાના દોષને ટાળનાર પુરુષ આ લોક અને પરલોકમાં કીર્તિને પામે છે. ૨૮
૨૩
