________________
હવે જ્ઞાન, દર્શન અને ચારિત્રની કલ્પના કરીને, નિર્મળ અક્ષત અને અન્ય પણ ઉત્તમ ઘાન્યોથી ત્રણ પૂંજ કરીને કેવળજ્ઞાનાદિ લક્ષ્મીયુક્ત અને પુરુષોમાં શ્રેષ્ઠ એવા શ્રીજિનેશ્વરની હું ભક્તિથી પૂજા કરું છું. ૧૮
સુંદર નાળીયેર, ફણસ, આમળાં, બીજોરા, શ્રેષ્ઠ લીંબુ, સોપારી અને આંબા વગેરે ફળોવડે, સ્વર્ગાદિ ઘણા ફળને દેનાર યુવતીઓને પ્રમોદ પમાડનાર તથા અશુભની શાંતિ કરનાર એવા શ્રીદેવાધિદેવની હું પૂજા કરું છું. ૧૯
શ્રેષ્ઠ મોદકો, વડાં, ખાખરા, ભાત, દાળ વગેરે અનેક પ્રકારની મનોહર રસવતીથી, ભૂખ-તરસની પીડાથી રહિત એવા શ્રીતીર્થંકર પરમાત્માને પોતાના હિતમાટે હું હંમેશાં આદરથી પૂજું છું. ૨૦
પાપ-પટલનો નાશ કરનાર, હમેશાં જયવંતા, વિશ્વને જોવાની કળાથી શોભતા, ઉપશમરસના સમુદ્ર એવા, શ્રીજિનેશ્વરની આગળ અજ્ઞાનરૂપી અંધકારના નાશમાટે હું દીપનો ઉદ્યોત કરું છું. ૨૧
નિર્મળ સ્વભાવવાળા, કામ, મદ અને મોહરૂપી સર્પને હણવા માટે ગરુડ જેવા શ્રીજિનેશ્વરની સંસાર તાપની શાંતિ માટે શાશ્વત નદીઓ, કુંડ, સરોવર, સાગર તથા તીર્થનાં નિર્મળ જળવડે હું પૂજા કરું છું. ૨૨
આ આઠ કાવ્યોવડે બનેલી શ્રેષ્ઠ સ્તતિને ભણીને એમાં બતાવેલ શ્રેષ્ઠ વિધિથી જે વ્યક્તિ શ્રીજિનપૂજા કરે છે તે ધન્યપુરુષ અખંડ એવા મનુષ્યલોકના તથા દેવલોકના સુખોને ભોગવી અલ્પ સમયમાં મોક્ષમાં પણ નિવાસ પામે છે. ૨૩
ઘરમાં પ્રવેશ કરતાં ડાબે હાથે, દોઢ હાથથી ઊંચી જગ્યાએ, શુદ્ધભૂમિમાં, શલ્યોદ્ધાર કરીને બુદ્ધિમાન પુરુષ જિનાલય બનાવે. ૨૪
પૂજા કરતી વખતે પૂજકે પૂર્વ દિશા તરફ અથવા ઉત્તર દિશા તરફ મોઢું કરીને બેસવું પરંતુ વિદિશા તરફ નહિ બેસવું, એમાંય દક્ષિણ દિશા તરફ મોટું કરીને બેસવું સૂતરામ ટાળવું. ૨૫
૧0
