________________
१३४
श्रीसिद्धप्राभृतं सटीकम् अइदूसमाएँ थोवा, संख असंखा दुवे विसेसहिया । दूसमसुसमा संखा, गुणा उ ओसप्पिणीसिद्धा ॥८९॥ अइदूसमाएँ थोवा, संख असंखा य दोण्णि सविसेसा । दुस्समसुसमा संखा, गुणा उ उस्सप्पिणीसिद्धा ॥१०॥ थोवा दोण्ह विसेसो, संख असंखा दुवे य पुव्वकमा ।
ओसप्पिणिउस्सप्पिणि-तइयाए संख सविसेसा ॥११॥ "अइदूसमाएँ" गाहा ।। ओसप्पिणीए सव्वत्थोवा अइदूसमाए सिद्धा १, दूसमाए सिद्धा संखेज्जगुणा २, सुसमदूसमाए असंखेज्जगुणा ३, कालस्स असंखेज्जत्तणओ । तओ सूसमाए विसेसाहिया ४, सूसमसुसमाए विसेसाहिया ५, दूसमसुसमाए संखेज्जगुणा ६ ॥८९॥ संपयं उस्सप्पिणीमहिकिच्चाह“अइदूसमाएँ" गाहा कंठा ॥९०॥ एवं ताव पत्तेयं, संपयं दोण्हं पि एगओ आह-"थोवा दोण्हं" गाहा ॥ सव्वथोवा दोण्हं पि अइदूसमाणं १, तओ उस्सप्पिणीदूसमाए विसेसाहिया २, तओ ओसप्पिणीदूसमाए संखेज्जगुणा ३, 'असंखा दुवे य' त्ति दोण्ह वि सुसमदूसमाणं असंखेज्जगुणा ४, 'दुवे य पुव्वकम'त्ति ततो दोण्ह वि सुसमाणं विसेसाहिया ५, एगंतसुसमाणं दोण्हं वि विसेसाहिया ६, 'ओसप्पिणिउस्सप्पिणितइयाए संख'त्ति उस्सप्पिणीए तइयारगे ओसप्पिणीए य चउत्थारगे एएसिं दोण्हं पि अरगाणं संखेज्जगुणा ७ । किमर्थमेवं सूत्रबन्धः ? इति चेदुच्यते-द्विरावृत्त्यर्थम्, अत एव यथासङ्ख्येन तओ उस्सप्पिणीए सव्वसिद्धा संखेज्जगुणा ८, ततो ओसप्पिणीसिद्धा विसेसाहिया ॥९१॥ तक्काले त्ति सम्मत्तं ।।
संपयं तयकालओ आह
अइदूसमाएँ थोवा, सविसेस असंख तिणि सविसेसा। तदकाले ओसप्पिणि-सिद्धाणऽप्पाबडं एयं ॥१२॥
"अइदूसमाएँ" गाहा ॥ ओसप्पिणीए अइदूसमाए सव्वत्थोवा सिद्धा १, दूसमाए विसेसाहिया २, तीर्थसद्भावात् शुभतरकालयोगादित्यर्थः । तओ
