________________
પ.પૂ. દ્રવ્યાનુયોગના પ્રખરવક્તા, યુગદિવાકર, અનેક તીર્થ સ્થાપક આચાર્યપ્રવર શ્રીમદ્ વિજયધર્મસૂરીશ્વરજી મ.સા.ના પટ્ટધર શિષ્યરત્ન જેમણે સદાય સાહિત્ય, શિલ્પ અને સંગીતની કલાનાં ત્રિવેણી સંગમમાં ધ્યાનસ્થ રહી રસિકતા પ્રાપ્ત કરી છે, જેમણે સતત સાહિત્ય સેવા અર્પણ કરી છે. જિનશાસનને એવા વર્તમાન ગચ્છાધિપતિ પ.પૂ. સાહિત્ય-કલા-રત્ન, સાહિત્યવારિધિ, સાહિત્યસમ્રાટ આચાર્ય શ્રીમદ્ વિજયયશોદેવસૂરીશ્વરજી મ.સા. તથા તેમના પરમવિનેયી, અંતેવાસી, ગાંભીર્યાદિ ગુણાલંકૃત શિષ્યરત્ન પ.પૂ. પંન્યાસશ્રી વાચસ્પતિ વિ.મ.સા.ની સહર્ષ અનુમતિ પ્રાપ્ત થયેલ છે.
યોગાનુયોગ શ્રી નમસ્કાર મહામંત્રના આરાધક, અધ્યાત્મયોગી, પ.પૂ. પંન્યાસપ્રવરશ્રી ભદ્રંકરવિજયજી મ.સા.ના શિષ્યરત્ન આચાર્યદેવ શ્રીમદ્ વિજયકુંદકુંદસૂરીશ્વરજી મ.સા.ના શિષ્યરત્ન પ.પૂ. પંન્યાસશ્રી વજ્રસેનવિજયજી મ.સા.ના પ્રથમ દર્શને હૈયુ પુલકિત બન્યું અને ગ્રંથ પ્રકાશન અંગે અભિપ્રાય મેળવવા પ્રસ્તાવ કર્યો. વળતે દિવસે તુર્ત જ સહાયક બનવાની જવાબદારી સ્વીકારી તેથી અત્યંત આશ્ચર્ય સાથ આનંદનો પાર ન રહ્યો.
ધન્યાતિધન્ય છે આવા મહાત્માને ! જે સહયોગ આપી સહાયક બની રહ્યા છે. તે તેમની ઉદારતાનો ગુણ પ્રશંસનીય છે. પૂજ્યશ્રીજીનો આવો અનંત ઉપકાર ભવોભવ વિસરાય તેમ નથી. વધુ સાશ્ચર્ય વાત તો એ છે કે નાદુરસ્ત તબિયત હોવા છતાં આટલો શ્રમ ઉઠાવી, કાર્યરત રહી અને અવિરત શાસનસેવા બજાવી શ્રી સંઘ સમક્ષ અવનવા જ્ઞાનભોજનનું પી૨સણ કરવામાં તત્પર રહે છે.
જિનાજ્ઞા વિરુદ્ધ કંઇપણ લખાયું હોય તો ‘મિથ્યા મે દુષ્કૃતમ્’ (મંજુલશિશુ) સા.શ્રી વિરતિયશાશ્રીજી શ્રમણી વિહાર, રૂમ નંબર ૨૩, શત્રુંજય હૉસ્પિટલની પાછળ, તળેટી રોડ, પાલિતાણા. મા.સુ. ૫, સંવત ૨૦૬૧, ગુરુવાર, તા. ૧૬-૧૨-૨૦૦૪.
રત્નસંચય - ૫
