________________
(૧૪) તીર્થકરોના પિતાઓની ગતિ नागेसु उसभपिया, सेसाणं सत्त हुंति ईसाणे । अट्ठ य सणंकुमारे, माहिदे अट्ठ बोधव्वा ॥ ३७ ॥
અર્થઃ ઋષભદેવના પિતા નાગકુમારમાં ગયા, બીજા સાત અજિતનાથથી ચંદ્રપ્રભ સુધીના તીર્થકરોના પિતા ઇશાન દેવલોકમાં ગયા, ત્યારપછી નવમા સુવિધિનાથથી સોળમાં શાંતિનાથ સુધીના આઠ તીર્થકરોના પિતા ત્રીજા સનકુમાર દેવલોકમાં ગયા અને ત્યાર પછી સત્તરમા કુંથુનાથથી ચોવીશમા મહાવીરસ્વામી સુધીના આઠ તીર્થકરોના પિતા ચોથા માહેંદ્ર દેવલોકમાં ગયા છે. (મહાવીરસ્વામીના પિતા બારમા દેવલોકમાં ગયા છે, એમ શ્રી આચારાંગસૂત્ર અને પ્રવચનસારોદ્વારમાં કહ્યું છે.) (૩૭)
(૧૫) સર્વ તીર્થકરોના સમવસરણનું પ્રમાણ उसहे जोअण बारस, ओसरणं आसी नेमि जिण जाव । दो दो गाउ ऊणं, पास पण कोस चउ वीरे ॥ ३८ ॥
અર્થ : ઋષભદેવ સ્વામીનું સમવસરણ બાર યોજન (અડતાળીશ ગાઉ) પ્રમાણ હતું, ત્યાર પછી બીજા તીર્થંકરથી બબે ગાઉનું પ્રમાણ ઓછું કરતાં યાવત્ નેમિનાથનું સમવસરણ દોઢ યોજના (છ ગાઉ)નું હતું. ત્રેવીસમા પાર્શ્વનાથનું પાંચ ગાઉ પ્રમાણ અને છેલ્લા મહાવીરસ્વામીનું ચાર કોશ (એક યોજન) પ્રમાણ સમવસરણ જાણવું. (૩૮)
(૧૬) સમવસરણમાં બાર પર્ષદાની સ્થિતિ मुणी वेमाणणि समणी, भवण वण जोइस देवदेवीतिगं । कप्पसुरनरिस्थितियं, चिट्ठइ एयाइं विदिसासु ॥ ३९ ॥
અર્થ: સમવસરણના અગ્નિખૂણામાં પ્રથમ સાધુઓ, તેમની પાછળ વૈમાનિક દેવીઓ અને તેમની પાછળ સાધ્વીઓ રહે, નૈઋત્ય ખૂણામાં ૧ સમવસરણ પ્રકરણાદિમાં તો દરેક પ્રભુનું સમવસરણ તેમના આત્માગુલે એક યોજનનું હોય એમ કહેલું છે.
રત્નસંચય - ૪૧
